Pavodle infarmacyi Nacyjanalnych uzbrojenych sił Łatvii, u pavietranuju prastoru Łatvii z boku Rasii ŭvajšoŭ i ŭzarvaŭsia dron. Mahčyma, jon byŭ ukrainskim, piša Dielfi.
Pavodle źviestak Nacyjanalnych uzbrojenych sił Łatvii, nieapaznany abjekt byŭ zafiksavany radarami ŭ 02:19 nočy. Na pierachop adpraviłasia hrupa supraćpavietranaj abarony. Praź niekatory čas sistemy rańniaha papiaredžańnia zafiksavali huk vybuchu ŭ rajonie Krasłaŭskaha kraja — prykładna ŭ 13 kiłamietrach ad miažy.
Abyšłosia biez achviar i paškodžańniaŭ infrastruktury.
Premjer-ministr Łatvii Evika Silinia ŭ efiry telekanała TV3 paviedamiła, što, pavodle papiarednich acenak, bieśpiłotnik moh być ukrainskim.
«My znachodzimsia la miažy i adčuvajem heta. Padobnyja incydenty adbylisia ŭ Litvie i Estonii. U Estonii dron navat zakranuŭ infrastrukturu, ale tam taksama nichto nie paciarpieŭ», — adznačyła Silinia.
Kiraŭnica ŭrada padkreśliła, što łatvijskija sistemy abarony spracavali naležnym čynam i svoječasova vyjavili pahrozu.
Ministr abarony Łatvii ŭ momant incydentu znachodziŭsia ŭ Kijevie, jon terminova viartajecca ŭ Ryhu.
23 sakavika bieśpiłotnik taksama zalacieŭ u Litvu, vierahodna, z terytoryi Biełarusi, i vybuchnuŭ za 20 km ad miažy. Litoŭskija radary jaho nie zafiksavali.
U Ministerstvie abarony Litvy vykazali zdahadku, što heta byŭ ukrainski bieśpiłotnik ź liku tych, što lacieli dla ataki celaŭ na terytoryi Rasijskaj Fiederacyi i adchililisia ad svajho kursu pad uździejańniem srodkaŭ radyjoelektronnaj baraćby.
-
Iranskija dziaržaŭnyja ŚMI ŭpieršyniu pakazali razburanuju rezidencyju Chamieniei paśla ŭdaru ZŠA i Izraila VIDEA
-
U Polščy rasijaninu, jaki vydavaŭ siabie za apazicyjaniera, dali siem hadoŭ kałonii za pracu na FSB. Jaho žonka taksama atrymała termin
-
U ES zaćvierdzili novyja pravy avijapasažyraŭ. Šmat čaho vy daŭno čakali
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam7
Kamientary