Litoviec pajechaŭ naviedać svajakoŭ u Biełaruś — jaho aryštavali i dali 15 hadoŭ. Kažuć, što za špijanaž
Hramadzianin Litvy Mirasłavas Trockis (Mirasłaŭ Trocki) vosieńniu 2024 hoda adpraviŭsia ŭ Biełaruś, kab naviedać svajakoŭ, ale dadomu nie viarnuŭsia. Niadaŭna jamu prysudzili 15 hadoŭ kałonii.
Mirasłavasu Trockisu 35 hadoŭ. Jon žyŭ u Vilni, u 2011 hodzie skončyŭ Univiersitet Mikałasa Romiera (MRUni). U internecie jon zaŭždy padpisvaŭsia jak Mirasłaŭ Trocki łacinkaj ci kirylicaj.
Z adkrytych krynic viadoma, što litoviec mieŭ ciesnyja suviazi ź Biełaruśsiu. Z dopisaŭ u fejsbuku vynikaje, što jon ci to žanaty, ci to zaručany ź biełaruskaj, a taksama maje tam svajakoŭ. I jašče z maładoha ŭzrostu časta jeździŭ u Biełaruś.
U telehramie Mirasłaŭ byŭ aktyŭny tolki ŭ čatach pierasiačeńnia miažy. U mai 2024 hoda jon šukaŭ čałavieka, jaki b pastajaŭ za jaho ŭ čarzie na miažy ŭ punkcie propusku «Šalčyninkaj — Bieniakoni». U inšych sacsietkach Mirasłava taksama ničoha, što represiŭnaje biełaruskaje zakanadaŭstva mahło b traktavać jak zabaronienaje.
Uvosień 2024 hoda mužčyna čarhovy raz pajechaŭ u Biełaruś, kab naviedać blizkich. Padčas hetaj pajezdki jaho i zatrymali.
Sud nad litoŭcam adbyŭsia viasnoj 2026 hoda. 11 sakavika Mirasłavu vynieśli surovy prysud — 15 hadoŭ u kałonii. Inicyjatyva Dissidentby kaža, što akaličnaści spravy jašče vyśviatlajucca, ale, mahčyma, havorka viadziecca pra «špijanaž».
«Naša Niva» — bastyjon biełaruščyny
PADTRYMAĆ
Kamientary
Handal "špijonami" nie na nova dla Łuki, adnaho jakaja by japonskaha špijona užo viarnuli, i hetaha taksama viernuć, daj Boh kab chutčej.