ŽKH Minščyny pierachodzić na ŭzmocnieny režym z 18 da 21 krasavika
Pradpryjemstvy žyllova-kamunalnaj haspadarki Minskaj vobłaści ŭ pieryjad doŭhich vychadnych z 18 da 21 krasavika piarojduć na ŭzmocnieny režym pracy. Arhanizavana kruhłasutačnaje dziažurstva adkaznych asob i apieratyŭna-ramontnaha piersanału dla bieśpierabojnaj pracy sistem žyćciezabieśpiačeńnia ŭ haradach i pasiołkach.
U «ŽKH Minskaj vobłaści» i na pradpryjemstvach usich rajonaŭ vobłaści pryznačany dziažurnyja.
U śviatočnyja dni buduć zadziejničanyja 725 čałaviek u 119 avaryjna-adnaŭlenčych bryhadach. Budzie asablivy kantrol za supraćpažarnaj biaśpiekaj na abjektach žyłoha i niežyłoha fondu.
Na vypadak niespryjalnych umoŭ nadvorja sfarmavany rezierv śpiectechniki.
U štatnym režymie praciahniecca vyvaz ćviordych kamunalnych adkidaŭ i druhasnych materyjalnych resursaŭ.
Budzie ŭzmocnieny kantrol za elektrasietkavymi abjektami i supraćpažarnaj biaśpiekaj, uklučajučy paliŭna-enierhietyčnuju infrastrukturu.
Padrychtavana technika na vypadak avaryj: 108 adzinak aŭtamabilnaj techniki, što ŭ vypadku nieabchodnaści budzie zajmacca adpampoŭvańniami, 117 ekskavataraŭ roznych madyfikacyj, 124 adzinki motapompaŭ.
Dla bieśpierabojnaha zabieśpiačeńnia spažyŭcoŭ u vypadku avaryjnych situacyj majucca: try pierasoŭnyja błočna-modulnyja kacielni; 124 pierasoŭnyja krynicy elektrazabieśpiačeńnia.
Pry nieabchodnaści telefanujcie na adziny karotki numar 115.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary