Trahiedyja adbyłasia 14 krasavika ŭ ahraharadku Litvinovičy. Sa słoŭ śviedak, 38‑hadovy mužčyna vyrašyŭ pierapłyści voziera, ale nie raźličyŭ svaje siły.
«Učora rabotniki Karmianskaj vyratavalnaj stancyi Tavarystva ratavańnia na vodach dastali z vady cieła miascovaha žychara», — paviedamili ŭ pres-słužbie arhanizacyi.
— 14 krasavika 39‑hadovy žychar Karmianskaha rajona adpačyvaŭ ź siabrami na bierazie vadajoma ŭ ahraharadku Litvinovičy. Jak paźniej rastłumačyli śviedki incydentu, mužčyna zachacieŭ pierapłyści voziera. Adnak svaich sił jon nie raźličyŭ — dabracca da bieraha jamu nie chapiła ŭsiaho niekalki mietraŭ, — raskazała aficyjny pradstaŭnik Homielskaj abłasnoj arhanizacyi Tavarystva ratavańnia na vodach Alena Šaŭłoŭskaja.
Kupalny siezon u Biełarusi pačynajecca ź pieršaha maja. Aptymalnyja ŭmovy dla kupańnia: tempieratura pavietra vyšej za +23, vady — ad +18 hradusaŭ.
Kamientary