«Tam tryndziec!» Jak amapaŭcy nie chacieli, kab ich kamandziram była pieramožca milicejskaha konkursu pryhažości — źliŭ razmoŭ
Kali pieramožcu konkursu «Mis minskaja milicyja — 2026» Hannu Šachavu pryznačali raniej kamandziram adździaleńnia AMAPa, jaje kalehi luta aburalisia. «Dy jana zabivaje, joj po*uj na vašu pracu!»
«Kibierpartyzany» apublikavali dva zapisy telefonnych razmoŭ kamandzira ŭzvoda AMAPa Aksany Kraŭčanka — z kamandziram adździaleńnia Aleham Baradaŭkam i kalehaj Hannaj Lacko. U razmovach Kraŭčanka dzielicca ŭražańniami ad reakcyi sasłužboŭcaŭ na novaje pryznačeńnie Šachavaj. Hetyja zvanki adbyvalisia niekalki hadoŭ tamu.
«Tam takaja vajna ciapier. Ja prosta, bł**, u šoku. Tam naohuł tryndziec! (…) Ja niešta siońnia naohuł nie zrazumieła… Z takimi, ja tabie kažu, paprokami, z takimi psichami siońnia było — heta naohuł!» — skardzicca Kraŭčanka Baradaŭku.
Takaja reakcyja kalektyvu, pa słovach Kraŭčanki, była dla jaje vialikaj niečakanaściu. Jana davodzić surazmoŭcu, što «nikoli nie bačyła ź ich boku da Šachavaj niejkaj niepryjaznaści».
Pavodle słoŭ Aksany, padnačalenyja adkryta vystupili suprać novaj načalnicy, zajaŭlajučy, što kamandavańnie naplavała na mierkavańnie «starasłužačych». Pry hetym sama Šachava adnosicca da «siarednich» pa stažy:
«Jana atrymlivajecca takaja siaredniaja jak by, jana adsłužyła 6 hadoŭ z 12. Nu, hruba kažučy, tam niekatoryja adsłužyli krychu bolš, ale ŭ ich tam byli dva dekrety, dekret, heta značyć, nu, prybiarycie — dyk toje samaje i vychodzić».
Na pytańnie Baradaŭki pra toje, chto najbolš vykazvaje niezadavolenaść, Kraŭčanka nazyvaje kankretnyja proźviščy i farmuluje asnoŭnuju pretenziju kalektyvu:
«My chočam, kab u nas byŭ kamandzir adździaleńnia, jaki maje ŭ nas aŭtarytet!»
Kamandzir uzvoda ŭ adkaz na abureńnie padnačalenych zajaviła: «Kamandziraŭ pryznačajuć, a nie vybirajuć niejkim tam hałasavańniem». U adkaz jana pačuła:
«My staniem u apazicyju, my nie budziem jaje słuchać!».
Sasłužboŭki vinavaciać Šachavu ŭ tym, što jana ihnaruje svaje abaviazki:
«Dy jana zabivaje, joj po*uj na vašu pracu!»
U inšaj razmovie, z Hannaj Lacko, Kraŭčanka zaŭvažaje: «Vajna suśvietaŭ była tut siońnia… Spačatku Lency jany vykazali svajo ŭsio «fie, fu», potym — mnie. I razumieješ, z takimi psichami, z takimi paprokami… Ja kažu: «Dobra, kankretna skažycie».
Akazvajecca, Šachava takaja chu*vaja! Jana naohuł nie pracuje, jana naohuł pracavać nie choča! Jana na kožnym mierapryjemstvie fukaje, fiekaje! Joj naohuł hetaja praca nie patrebnaja…»
— pierakazvaje jana skarhi kaleh.
«Ja nie viedaju, u ich stolki złości, stolki nianaviści», — dzielicca ŭražańniami Kraŭčanka i dadaje, što jašče pahutaryć na hetuju temu z samoj Šachavaj.
U svaju čarhu Hanna Lacko adznačyła, što Šachava «nie idealnaja» i była nieadnarazova zaŭvažanaja ŭ chłuśni, što jana ličyć vialikim minusam. Da taho ž jana źviarnuła ŭvahu na «pieramienlivy nastroj» Hanny i vykazała niedavier da jaje łahodnych pavodzin padčas pryznačeńnia.
Sama Kraŭčanka zaŭvažyła, što na hetaj pasadzie jana chacieła b bačyć inšaha čałavieka — Lavonienka, jakaja jaje całkam zadavalniaje.
Kamientary
dumała - u hetaj krainie słova "apazicyja" vymaŭlać nielha, a tut sami amapaŭcy...