Cichanoŭskaja pra adnosiny Polščy i Biełarusi paśla vyzvaleńnia Pačobuta: Miač na baku Łukašenki
Jana adznačyła, što vypadak Pačobuta adroźnivajecca ad zvyčajnych humanitarnych namahańniaŭ.
Śviatłana Cichanoŭskaja na V Kanfierencyi biełarusaŭ i biełarusak śvietu ŭ Varšavie prakamientavała vyzvaleńnie žurnalista Andreja Pačobuta i rolu demakratyčnych sił u pieramovach ab vyzvaleńni palitviaźniaŭ, piša Reform.news.
Pavodle jaje słoŭ, z 2020 hoda ofis Cichanoŭskaj pracuje z amierykanskimi i jeŭrapiejskimi partniorami pa hetym pytańni, abmiarkoŭvajučy roznyja miechanizmy.
«Biez kaardynacyi i ŭzajemadziejańnia z našymi partniorami, mahčyma, pra hetych źniavolenych užo b i zabylisia», — skazała jana.
Cichanoŭskaja adznačyła, što vypadak Pačobuta adroźnivajecca ad zvyčajnych humanitarnych namahańniaŭ.
«Heta było padobna da abmienu pa linii śpiecsłužbaŭ», — skazała jana, padziakavaŭšy ŭsim, chto ŭdzielničaŭ u hetym pracesie.
Adkazvajučy na pytańnie, ci palepšyć vyzvaleńnie Pačobuta polska-biełaruskija adnosiny, Cichanoŭskaja pracytavała słovy namieśnika ministra zamiežnych spraŭ Polščy Marcina Basackaha: kali raniej adnosiny z Łukašenkam byli na ŭzroŭni minus 20, to ciapier — minus 15.
«Tak što my ŭsie razumiejem, što situacyja nie źmianiłasia. Ludzi praciahvajuć zatrymlivacca ŭ Biełarusi, a Łukašenka pahražaje i šantažuje našych susiedziaŭ. Tamu heta nie novy ŭzrovień adnosin, miač na baku Łukašenki», — skazała jana.
«Jość vyraznyja patrabavańni z boku našych jeŭrapiejskich partnioraŭ i z boku Polščy: spynić represii, spynić zatrymańni ludziej, spynić transhraničnyja represii, bo ludzi znachodziacca pad pahrozaj nie tolki ŭ Biełarusi, ale i za jaje miežami. Heta budzie krok z boku režymu Łukašenki, kab pakazać, što jon hatovy niešta zrabić dla palapšeńnia adnosin. Pakul my hetaha nie bačym», — padsumavała lidarka demakratyčnych sił.
Andrej Pačobut viarnuŭsia ŭ fejsbuk
Było minus 20 hradusaŭ, stała minus 15. Namieśnik kiraŭnika MZS Polščy acaniŭ paciapleńnie adnosin ź Minskam
Cichanoŭskaja: Kolki nas ni dušać represijami, ni pałochajuć — my z vami praciahvajem uparta rabić biełaruskuju spravu
Na Kanfierencyi biełarusaŭ u Varšavie razharnuli płakaty suprać Cichanoŭskaj. Jana adkazała
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary