Ціханоўская пра адносіны Польшчы і Беларусі пасля вызвалення Пачобута: Мяч на баку Лукашэнкі
Яна адзначыла, што выпадак Пачобута адрозніваецца ад звычайных гуманітарных намаганняў.
Святлана Ціханоўская на V Канферэнцыі беларусаў і беларусак свету ў Варшаве пракаментавала вызваленне журналіста Андрэя Пачобута і ролю дэмакратычных сіл у перамовах аб вызваленні палітвязняў, піша Reform.news.
Паводле яе слоў, з 2020 года офіс Ціханоўскай працуе з амерыканскімі і еўрапейскімі партнёрамі па гэтым пытанні, абмяркоўваючы розныя механізмы.
«Без каардынацыі і ўзаемадзеяння з нашымі партнёрамі, магчыма, пра гэтых зняволеных ужо б і забыліся», — сказала яна.
Ціханоўская адзначыла, што выпадак Пачобута адрозніваецца ад звычайных гуманітарных намаганняў.
«Гэта было падобна да абмену па лініі спецслужбаў», — сказала яна, падзякаваўшы ўсім, хто ўдзельнічаў у гэтым працэсе.
Адказваючы на пытанне, ці палепшыць вызваленне Пачобута польска-беларускія адносіны, Ціханоўская працытавала словы намесніка міністра замежных спраў Польшчы Марціна Басацкага: калі раней адносіны з Лукашэнкам былі на ўзроўні мінус 20, то цяпер — мінус 15.
«Так што мы ўсе разумеем, што сітуацыя не змянілася. Людзі працягваюць затрымлівацца ў Беларусі, а Лукашэнка пагражае і шантажуе нашых суседзяў. Таму гэта не новы ўзровень адносін, мяч на баку Лукашэнкі», — сказала яна.
«Ёсць выразныя патрабаванні з боку нашых еўрапейскіх партнёраў і з боку Польшчы: спыніць рэпрэсіі, спыніць затрыманні людзей, спыніць трансгранічныя рэпрэсіі, бо людзі знаходзяцца пад пагрозай не толькі ў Беларусі, але і за яе межамі. Гэта будзе крок з боку рэжыму Лукашэнкі, каб паказаць, што ён гатовы нешта зрабіць для паляпшэння адносін. Пакуль мы гэтага не бачым», — падсумавала лідарка дэмакратычных сіл.
Андрэй Пачобут вярнуўся ў фэйсбук
Было мінус 20 градусаў, стала мінус 15. Намеснік кіраўніка МЗС Польшчы ацаніў пацяпленне адносін з Мінскам
Ціханоўская: Колькі нас ні душаць рэпрэсіямі, ні палохаюць — мы з вамі працягваем упарта рабіць беларускую справу
На Канферэнцыі беларусаў у Варшаве разгарнулі плакаты супраць Ціханоўскай. Яна адказала
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары