Taksama pasažyrskija aŭtobusy pavinny być z ramianiami biaśpieki.
Pra heta paviedamiŭ na pres-kanfierencyi «Ab novych praviłach aŭtamabilnych pieravozak pasažyraŭ» načalnik upraŭleńnia aŭtamabilnaha i haradskoha pasažyrskaha transpartu Mintransu Andrej Hładki, piša BiełTA.
«Z 1 studzienia 2028 hoda ŭvodzicca norma, što ŭsie aŭtobusy, jakija ŭdzielničajuć u vykanańni ŭnutryrespublikanskich pieravozak u rehularnych złučeńniach, pavinny być abstalavanyja srodkami videafiksacyi», — raskazaŭ Andrej Hładki.
Jašče adno patrabavańnie — da 1 studzienia 2027 hoda pasažyrskija siadzieńni ŭ aŭtobusach (katehoryj M2 i M3, kłas III) pavinny być abstalavanyja dvuch— abo trochpunktavymi ramianiami biaśpieki.
«Heta datyčycca tych transpartnych srodkaŭ, dzie nie dapuskajecca pieravozka pasažyraŭ stojačy. Kali, naprykład, aŭtobus vykarystoŭvajecca ŭ haradskich pieravozkach, dzie pasažyry mohuć jechać jak siedziačy, tak i stojačy, na jaho hetaje patrabavańnie nie raspaŭsiudžvajecca», — patłumačyŭ načalnik upraŭleńnia aŭtamabilnaha i haradskoha pasažyrskaha transpartu.
Taksama ŭvodzicca patrabavańnie da 1 studzienia 2030 hoda abstalavać aŭtobusy na mižharodnich maršrutach trochpunktavymi ramianiami biaśpieki.
Taksama ŭ praviły aŭtamabilnych pieravozak pasažyraŭ uklučany normy, jakija praduhledžvajuć skaračeńnie stažu pracy kiroŭcaŭ školnych aŭtobusaŭ z troch da adnaho hoda. Jašče adna novaŭviadzieńnie — u aŭtamabilnaha pieravozčyka adkaznyja za biaśpieku vykanańnia pieravozak pavinny raz na piać hadoŭ prachodzić pavyšeńnie kvalifikacyi z vydačaj adpaviednaha dakumienta.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju2
Kamientary
a v pustych avtobusach v iskusstviennoj očieriedi na pohranpieriechodie Briest_ Tieriespol nie postaviat. I kak oni zapołniajutsia pieried šłahbaumom za 50 jevro.