Ukraina zaklikała pazbavić Rasiju statusu pastajannaha člena Rady biaśpieki AAN
Pastajanny pradstaŭnik Ukrainy pry AAN Andrej Mielnik zaklikaŭ dziaržavy-členy Arhanizacyi Abjadnanych Nacyj znajści palityčny i jurydyčny miechanizm dla pazbaŭleńnia Rasii statusu pastajannaha člena Rady biaśpieki.
Mielnik zajaviŭ pra heta padčas adkrytych debataŭ Rady biaśpieki pa abaronie hramadzianskaha nasielnictva va ŭzbrojenych kanfliktach, piša Bi-bi-si.
Pavodle słoŭ Mielnika, siarod usich vojnaŭ i kanfliktaŭ u śviecie rasijskaja ahresija suprać Ukrainy «vyłučajecca žorstkaściu i sistematyčnym charaktaram hvałtu, što ździajśniajecca suprać hramadzianskaha nasielnictva».
Jon adznačyŭ, što, pavodle danych Manitorynhavaj misii AAN pa pravach čałavieka va Ukrainie, u pieryjad sa studzienia pa krasavik 2026 hoda kolkaść achviar siarod hramadzianskaha nasielnictva ŭzrasła na 21% u paraŭnańni z anałahičnym pieryjadam minułaha hoda i na 93% — u paraŭnańni z 2024 hodam.
«Pieršyja čatyry miesiacy hetaha hoda stali samym śmiarotnym pieryjadam dla ŭkrainskaha hramadzianskaha nasielnictva za ŭvieś čas», — zajaviŭ ukrainski dypłamat.
Mielnik nahadaŭ, što ŭzimku Rasija sistematyčna atakavała enierhietyčnuju infrastrukturu Ukrainy, sprabujučy «choładam prymusić miljony mirnych žycharoŭ padparadkavacca».
Taksama, pavodle jaho słoŭ, rasijskija vojski vykarystoŭvajuć taktyku «padvojnych udaraŭ», kali paśla pieršaj ataki adbyvajecca druhaja — «tolki dla taho, kab zabić miedycynski piersanał i ratavalnikaŭ».
«Usie jurydyčnyja abaviazacielstvy pa abaronie hramadzianskaha nasielnictva ŭrešcie buduć zastavacca pustymi słovami, kali akty ahresii i źviazanyja ź imi vajennyja złačynstvy nie buduć pakaranyja», — padkreśliŭ Mielnik, zaklikaŭšy členaŭ Savieta Biaśpieki znajści šlach da pazbaŭleńnia Rasii statusu pastajannaha člena Rady biaśpieki AAN.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary