Na płoščy Pieramohi pradajuć kvateru z saŭnaj i vidam na Śvisłač. Pa płoščy jak zaharadny dom, pa canie — daražej
Kvateru ź cikavym interjeram vystavili na prodaž na vulicy Kamunistyčnaj. Heta dvuchpakajovaja kvatera, ale pa mietražy bolš padobnaja na čatyrochpakajovuju kvateru abo pryvatny dom. Płošča hetaj dvuški — 112 kvadrataŭ. U kvatery jość saŭna i vialiki bałkon z kałonami. A jašče z akna tut adkryvajecca vid na Śvisłač kala parku Horkaha, piša Realt.
Kamunistyčnaja, 8 — heta piacipaviarchovaja stalinka 1957 hoda pabudovy za niekalki chvilin ad stancyi mietro «Płošča Pieramohi».
Kvatera, vystaŭlenaja na prodaž, znachodzicca na čaćviortym paviersie. Jaje ahulnaja płošča — 111,6 kvadrata, a žyłaja — 65 kvadrataŭ. Płaniroŭka ŭ joj prastornaja i nie samaja standartnaja. Jość haścioŭnia, kuchnia-stałovaja, spalnia, dva sanvuzły, bałkon i saŭna. Stoli ŭ stalincy — try mietry.
Płošča haścioŭni (na płanie jana paznačana jak stałovaja) — 37,5 kvadrata. Tut šyrokija francuzskija vokny i vychad na bałkon z kałonami, adkul adkryvajecca vid na zielaninu.
Druhi vychad na hety bałkon — z kuchni. Pakoj taksama prastorny. Jaho płošča — 11 kvadrataŭ.
Vokny prastornaj spalni vychodziać u dvor.
U kvatery dva sanvuzły, adzin ź jakich z francuzskimi voknami.
A jašče jość sapraŭdnaja saŭna.
Acanili hetuju kvateru ŭ 2,146 młn rubloŭ (kala 778 tysiač dołaraŭ u ekvivalencie).
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ14
Kamientary
I heta nie na płoščy Pieramohi, a praz pałovu kvartała ad jaje.
Riełtary i ŚMI - heta ŭžo niejki padvojny ŭzrovień niačesnaści.