U BNTU ŭvodziać elektronnuju čarhu pry padačy dakumientaŭ na pastupleńnie
BNTU pieršym siarod VNU prateściruje sistemu elektronnaj čarhi pry pryjomie dakumientaŭ.
U hetuju ŭstupnuju kampaniju ŭ BNTU ŭviaduć elektronnuju čarhu pry pryjomie dakumientaŭ u abituryjentaŭ. Jana budzie pracavać pa tym ža pryncypie, što i ŭ bankach ci paliklinikach, paviedamiŭ pieršy prarektar univiersiteta Andrej Safonaŭ, piša sb.by.
BNTU pieršym siarod VNU prateściruje sistemu elektronnaj čarhi pry pryjomie dakumientaŭ. Jana budzie kiravać patokam tych, chto prychodzić va ŭniviersitet u paradku žyvoj čarhi dla padačy dakumientaŭ.
Pieršy prarektar BNTU padkreśliŭ, što abituryjenty ŭ luboj VNU pavinny padać aryhinały dakumientaŭ asabista.
Zvyčajna najbolš vypusknikoŭ prychodzić u pieršy i apošni dni pryjomnaj kampanii. I pravilnaja arhanizacyja patokaŭ dazvolić paźbiehnuć čerhaŭ i niervovaj atmaśfiery jak u abituryjentaŭ, tak i ŭ supracoŭnikaŭ univiersiteta.
Pa słovach Andreja Safonava, ciapier zakuplena i naładžvajecca nieabchodnaje abstalavańnie. U sistemy budzie svaja śpiecyfika.
U faje płanujuć pastavić manitory i sensarnyja paneli dla atrymańnia tałonaŭ, a ŭ vialikaj aktavaj zale i va ŭnutranym dvoryku pastaviać infarmacyjnyja šyldy, kab abituryjenty mahli nazirać za rucham čarhi i čakać zaprašeńnia ŭ patrebnuju aŭdytoryju.
Kamientary