Da Viktara Ivaškieviča dałučylisia Jury Chadyka, Valancin Hołubieŭ, Alaksiej Maračkin, Aleś Šaternik, a taksama šerah kiraŭnikoŭ rajonnych arhanizacyj BNF.
Da Viktara Ivaškieviča dałučylisia Jury Chadyka, Valancin Hołubieŭ, Alaksiej Maračkin, Aleś Šaternik, a taksama šerah kiraŭnikoŭ rajonnych arhanizacyj BNF.
23 červienia na Siadzibie BNF prajšła pres-kanfierencyja siabroŭ partyi, jakija pryniali rašeńnie dałučycca da kamandy kandydata ŭ prezidenty Andreja Sańnikava. Vioŭ sustreču Viktar Ivaškievič, jaki jašče 12 červienia zajaviŭ pra namier padtrymać na prezidenckich vybarach lidera hramadzianskaj kampanii «Jeŭrapiejskaja Biełaruś».
Na pačatku sustrečy jon paviedamiŭ, što jahony ŭčynak razhladaŭsia na pasiedžańni Sojmu i haradskoj rady. Ahučvałasia pytańnie mahčymaha prypynieńnia jahonaha siabroŭstva ŭ partyi, a to i vychadu ź jaje. Tym nie mienš, paplečniki Viktara Ivaškieviča adnahałosna vykazalisia za toje, kab jon zastavaŭsia ŭ BNF. Sp. Ivaškievič padkreśliŭ, što ŭnutry partyi jość roznahałośsi, ale fakt, što pres-kanfierencyja adbyvajecca na Siadzibie z dazvołu kiraŭnictva, śviedčyć pra isnavańnie kansiensusu. «Jość razumieńnie taho, što my robim supolnuju spravu».
Na pres-kanfierencyju źjavilisia Jury Chadyka, Valancin Hołubieŭ, Alaksiej Maračkin, Aleś Šaternik, a taksama kiraŭniki šerahu rajonnych arhanizacyj partyi stalicy i rehijonaŭ. Usie jany zajavili pra svoj namier pracavać u kamandzie Sańnikava.
Bolšaść patłumačyła svoj namier niezadavolenaściu dziejańniami siońniašniaha kiraŭnictva partyi, niedavieram da ŭnutrypartyjnaha kandydata, a mienavita mahčymaściu źniaćcia jaho na karyść adnaho z kandydataŭ u prezidenty.Słovy pra mahčymaść takoha pavarotu padziejaŭ hučali nieadnojčy, ale tolki Jury Chadyka zajaviŭ, što Ryhora Kastusiova, najchutčej, «vyłučyli pad Milinkieviča».
Sp. Chadyka patłumačyŭ, što pierachod častki siabroŭ partyi ŭ kamandu Sańnikava — heta sproba nacisnuć na kiraŭnictva partyi, kab abjadnacca vakoł adnaho kandydata, taho, chto najbolš adpaviadaje intaresam partyi, a najpierš — Biełarusi.
Inicyjatyvu Viktara Ivaškieviča padtrymali rady Kastryčnickaha, Leninskaha, Maskoŭskaha, Partyzanskaha, Pieršamajskaha, Savieckaha rajonaŭ stalicy, a taksama supołki Ivacevickaha i Baranavickaha rajonaŭ. Da kamandy Sańnikava dałučyŭsia kiraŭnik Minskaj abłasnoj rady Źmicier Vinahradaŭ.
Ciapier čytajuć
Valfovič pra ataku dronam aŭtobusa ź dziećmi ŭ Branskaj vobłaści: Meta była sutyknuć Biełaruś z Ukrainaj17
Kamientary