U Polščy byłych hebistaŭ sudziać za sprobu atrucić apazicyjanierku ŭ 1981-m
Troje byłych aficeraŭ Słužby biaśpieki Polščy byli abvinavačanyja śledčym adździełam Instytuta nacyjanalnaj pamiaci Polščy (IPN) u sprobie atrucić u 1981 dziajačku «Salidarnaści» Hannu Valentynovičz dapamohaj lekavaha srodku, pryniaćcie jakoha mahło pryvieści navat da śmierci. Im pahražaje da 5 hadoŭ źniavoleńnia.
Śledčy adździeł IPN u Varšavie skiravaŭ abvinavaŭčy akt u akruhovy sud Radama. Viesłaŭ S., Tadevuš H. i Mark K. abvinavačvajucca ŭ tym, što ŭ kastryčniku 1981, źjaŭlajučysia aficerami Słužby biaśpieki, pieravysili svaje paŭnamoctvy. Nasupierak pradpisańniam, jany ŭdzielničali ŭ t.zv. apieratyŭnaj kambinacyi, u miežach jakoj pry pasiarednictvie sakretnaha ahienta ź mianuškaj «Karal» pavinny byli dać Valentynovič lekavy srodak furasiemid.
IPN padkreślivaje, što heta mahło pryvieści da škody zdaroŭju i navat letalnaha zychodu; 160–200 mh furasiemidu mahli spravakavać simptomy atručańnia, pierapady kryvianoha cisku, što pryvodziać da kałapsu, parušeńnia sardečnaha rytmu i asłableńnia myšcaŭ, a bolšaja doza niebiaśpiečnaja dla žyćcia. Pa dadzienych IPN, Słužba biaśpieki imknułasia «jak minimum» pieraškodzić spatkańniam Valentynovič z paplečnikami, ale spadziavanaja meta nie była dasiahnutaja, bo Valentynovič źjechała z Radamu raniej, čym čakałasia.
Padazravanyja abvinavačańniaŭ nie pryznali. Ich vypuścili pad zakład i zabaranili pakidać krainu.
Hanna Valentynovič zahinuła ŭ katastrofie prezidenckaha samalota pad Smalenskam 10 traŭnia 2010.
Kamientary