«Zaprasta moh trapić na luby uzrovień dostupu da infarmacyi».
«Zaprasta moh trapić na luby uzrovień dostupu da infarmacyi».
31 žniŭnia na sajcie haziety «Svobodnyje novosti plus» źjaviłasia cyničnaje intervju Michaiła Padalaka. Departavany ź Biełarusi žurnalist, jaki žyvie ŭ Kijevie, pryznavaŭsia ŭ suviaziach z KDB i rasijskimi śpiecsłužbami i z zadavalnieńniem kazaŭ pra svaju siońniašniuju dziejnaść — čorny pijar. «Kali ja žyŭ u Biełarusi, ja ščylna kantaktavaŭ ź biełaruskim KDB», — zajaŭlaŭ jon.
Ciaham dnia intervju pracytavali navinnyja
U raźlehłym abviaržeńni, jakoje źmiaściŭ sajt «Narodnaj voli», Padalak nie admaŭlaje, što kantaktavaŭ sa śpiecsłužbami: «Zaprasta moh trapić na luby uzrovień dostupu da infarmacyi». Nie admaŭlaje, što atrymlivaje zadavalnieńnie ad «kampramietujučaj žurnalistyki»: «Kanstrujavańnie infarmacyi — biznes. Dobry biznes».
Dyk našto było padrablać cełaje intervju? Padalak źviazvaje heta sa svajoj dziejnaściu. Pavodle słovaŭ Padalaka, da jaho ŭ Kijeŭ čas ad času pryjazdžajuć vysokapastaŭlenyja śpiecsłužbisty i prapanujuć «syści z temy». U abviaržeńni nazyvajucca imiony namieśnika staršyni KDB Biełarusi Leanida Dziadkova i načalnika HU kontrvyviedki KDB Siarhieja Šuhajeva. «Vy tak i nie zrazumieli, z kim z «hienierałaŭ» (jak vy ich nazyvajecie) možna damovicca, kab ja «syšoŭ z temy»? A vy ž doŭha šukali maje «surjoznyja kantakty» ŭ Maskvie, ale chto ž vam namaluje realnuju karcinu?» — rytaryčna vyhukaje ŭ ich bok Padalak. Ci heta praŭda, ci «kanstrujavańnie infarmacyi» — niama jak pravieryć. Zastajecca i pytańnie qui prodest. Adziny pakul dasiahnuty efiekt — pryciahnieńnie ŭvahi da asoby Padalaka.
U Biełarusi z Padalakom u rozny čas supracoŭničali «Biełhazieta», «Naviny», paśla — haziety Abjadnanaj hramadzianskaj partyi.
Artykuł Padalaka z paklopam na lidera Ruchu za Svabodu Alaksandra Milinkieviča apublikavała na pieršaj pałasie «Narodnaja vola».
Padalak zaśviaciŭsia ŭ trecim filmie «Chrosny baćka» telekanała NTV jak krytyk Alaksandra Łukašenki.
-
U Varšavie zamiežnikaŭ praviarali «patrulnyja» ŭ formie, jakija nie majuć dačynieńnia da dziaržaŭnych orhanaŭ
-
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli
-
21‑hadovaha chłopca sa Śvietłahorska pasadzili za palityku. Chłopiec žyŭ u dzietdomie, a niadaŭna sam staŭ baćkam
Ciapier čytajuć
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli1
Kamientary