Pieravaha na śviacie 11-12 vieraśnia addajecca spartovym mierapryjemstvam.
Pieravaha na śviacie 11-12 vieraśnia addajecca spartovym mierapryjemstvam.
A razynkaj pavinna stać adkryćcio visłavalnaj škoły na praśpiekcie Pieramožcaŭ z udziełam Alaksandra Łukašenki.
U stalicy projdzie marafon z udziełam pradstaŭnikoŭ ź piatnaccaci krain. U «Minsk-Arenie» adbuducca mižnarodnyja spabornictvy pa muaj taju «Vialikaja vaśmiorka» za tytuł čempijona śvietu. A kala Pałaca sportu — mižnarodny turnir asiłkaŭ «Kubak horada Minska». Minčanie zmohuć pakatacca na rolikach, kańkach, a taksama pahulać u kiorlinh.
Dla amataraŭ kłasičnaj muzyki i teatra, buduć pracavać adpaviednyja placoŭki.
Miescy praviadzieńnia masavych mierapryjemstvaŭ abharodziać turnikietami.
Treba budzie prajści praź mietaładetektary, kab patrapić na śviata.
Śpisy zabaronienych dla pranosu rečaŭ i miescaŭ, dzie buduć stajać turnikiety, abiacajuć apublikavać zahadzia ŭ Internecie. «Našy hramadzianie ŭžo pryvykli da hetaha. Narakańniaŭ niama», — adznačaje Uładzimir Stanilevič, pradstaŭnik HUUS Minska.
Ci buduć na Dni horada pradavać śpirtnoje? Minharvykankam jašče nie pryniaŭ rašeńnie pa hetym pytańni.
Padčas śviata vybieruć «Minčanina hoda» i «Lepšaha pa prafiesii».
Kulminacyjaj stanie fiejervierk u supravadžeńni simfaničnaha arkiestra a 22.00 kala steły «Minsk — horad hieroj».
Poŭny śpis mierapryjemstvaŭ tut.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary