Zajava BAŽ z nahody Mižnarodnaha dnia salidarnaści žurnalistaŭ.
«Dniami my stracili Aleha Biabienina. Hetaja śmierć, jak i śmierci našych kaleh Dźmitryja Zavadskaha, Vieraniki Čarkasavaj, Vasila Hrodnikava, pakidaje bolš pytańniaŭ, čym adkazaŭ», —havorycca ŭ zajavie hramadskaha abjadnańnia «Biełaruskaja asacyjacyja žurnalistaŭ» z nahody Mižnarodnaha dnia salidarnaści žurnalistaŭ, jaki adznačajecca 8 vieraśnia.
«A tyja, chto pačynaje šukać hetyja adkazy, sami ryzykujuć žyćciom. Hetak paśla apublikavańnia artykuła „Piatla“ ź viersijami nakont pryčyn hibieli Aleha Biabienina našaj kalezie Śviatłanie Kalinkinaj adrazu ž stali pahražać raspravaj», — adznačaje BAŽ.
Pavodle mierkavańnia žurnalisckaj arhanizacyi, meta hetych «brutalnych i biespakaranych dziejańniaŭ» — zadušyć luboje inšadumstva.
«Spałochacca i zamaŭčać — značyć, pahadzicca z rolaj pasłuchmianych statystaŭ, u jakoj chacieli b bačyć žurnalistaŭ ciemrašały i złačyncy.Ale maŭčańnie nie harantuje biaśpieku. Być pilnymi — značyć, bačyć, što adbyvajecca, i nie maŭčać. Być salidarnymi — značyć, być nieabyjakavymi adzin da adnaho i hatovymi pryjści na dapamohu. Tolki tak my zdolejem adstajać svajo prava na prafiesiju i na žyćcio», — adznačajecca ŭ zajavie BAŽ.
Mižnarodny dzień salidarnaści žurnalistaŭ adznačajecca kožny hod 8 vieraśnia. Hetuju datu zasnavała ŭ 1958 hodzie Mižnarodnaja arhanizacyja žurnalistaŭ u pamiać pra svajho češskaha kalehu Juliusa Fučyka, zakatavanaha hitleraŭcami 8 vieraśnia 1943 hoda.
Cieła apazicyjnaha žurnalista Aleha Biabienina, kiraŭnika sajta «Chartyja'97», było znojdziena ŭviečary 3 vieraśnia ŭ jaho dačnym domie ŭ Dziaržynskim rajonie. Ekśpiertyza ŭstanaviła, što pryčynaj śmierci źjaŭlajecca aśfiksija z pryčyny zadušeńnia piatloj pry paviešańni, paviedamiŭ prakuror Dziaržynskaha rajona Siarhiej Kaŭryhin.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva7
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3030
Kamientary