Jakimi temami zajmajecca aktualnaja biełaruskaja litaratura? Jakija charaktarystyki vyznačajuć jaje ŭ jeŭrapiejskim litaraturnym łandšafcie i robiać unikalnaj u jeŭrapiejskim kantekście? Hetyja pytańni my vynosim na abmierkavańnie padčas litaraturnaj siekcyi ŭ miežach Minskaha foruma XIII.
Pad maderacyjaj Katryn Ostvald-Rychter, dyrektarki Instytuta imia Hiote, piśmieńnik Uładzimir Arłoŭ, paet Andrej Chadanovič, paet Dźmitryj Dźmitryjeŭ i art-mieniedžerka Iryna Hierasimovič pasprabujuć namalavać žyvy i supiarečny vobraz biełaruskaha litaraturnaha łandšaftu.
Akramia taho, viadomy słavist i pierakładčyk šmatlikich tvoraŭ kłasičnaj biełaruskaj litaratury na niamieckuju movu Norbiert Randaŭ budzie prysutničać na siekcyi ŭ videafarmacie. Norbiert Randaŭ, jaki ŭ 2005 hodzie znajšoŭ u Hiermanii nieviadomyja knihi Francyska Skaryny, z zadavalnieńniem uziaŭ by ŭdzieł u imprezie asabista, ale, na žal, vymušany byŭ admovicca ad asabistaj prysutnaści z pryčyn, źviazanych sa stanam zdaroŭja.
Impreza adbudziecca 4 listapada 2010 hodzie, u 16.00 hadzin, u miežach Minskaha foruma XIII u vialikaj kanfierenc-zale Mižnarodnaha adukacyjnaha centra imia Jahaniesa Raŭ, vuł. Haziety Praŭda 11, Minsk.
Sardečna zaprašajem Vas na litaraturnuju siekcyju, u jakoj voźmuć udzieł vysokakvalifikavanyja vystupoŭcy.
Kali Vy jašče nie majecie akredytacyi na Minskim forumie i chacieli b uziać udzieł u rabocie litaraturnaj siekcyi, prosim Vas davieści heta da viedama arhanizataraŭ.
Z pavahaj,
Niamiecka-biełaruskaje tavarystva
Inha Petc
Natalla Pčołkina
Biuro Minskaha foruma
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB38
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary