Tydzień dziciačaha «Jeŭrabačańnia-2010» adkryvajecca ŭ Minsku

Jeŭratydzień mižnarodnaha dziciačaha piesiennaha konkursu «Jeŭrabačańnie-2010» adkryvajecca siońnia ŭ Minsku. U Minsk 14 listapada prybyli praktyčna ŭsie delehacyi, a taksama ŭdzielnik Biełarusi na dziciačym piesiennym konkursie «Jeŭrabačańnie-2010» Daniił Kazłoŭ. A siońnia zapłanavany zapis vizitak udzielnikaŭ i cyrymonija adkryćcia jeŭratydnia piesiennaha konkursu ŭ Minsku.

Try časovyja aŭtobusnyja maršruty — ad haścinic «Minsk» i «Viktoryja» da «Minsk-Areny» i Pałaca Respubliki pačnuć pracavać 15 listapada. Aŭtobusy ź simvolikaj dziciačaha konkursu «Jeŭrabačańnie» (tak zvanyja šatły) buduć pieravozić udzielnikaŭ, haściej stalicy i žurnalistaŭ.

Pradumana i pytańnie dastaŭki hledačoŭ na kancerty repietycyj i finalnaje šou. Hledačy zmohuć dabracca tudy biez prablem, pakolki haradskija ŭłady pavialičać kolkaść transpartu ŭ napramku «Minsk-Areny».

Apošnija štrychi pa padrychtoŭcy konkursnaj placoŭki «Jeŭrabačańnia-2010» u «Minsk-Arenie» nanosiać biełaruskija i šviedskija śpiecyjalisty. Mantaž hetaj składanaj sceny doŭžyŭsia niekalki tydniaŭ. Placoŭku treba było zrabić adnačasova hrandyjoznaj, biaśpiečnaj i śviatočnaj, kab kožny ŭdzielnik adčuŭ siabie zorkaj. Płošča hałoŭnaj sceny, na jakoj buduć vystupać kankursanty z 14 krain, usiaho 9 mietraŭ. Lejtmatyvam sceničnaha afarmleńnia stanuć dva 11-mietrovyja zbudavańni, padobnyja na kryły. «Kryłataja» scena budzie nie adzinaja — na mienšym pastamiencie buduć pracavać viadučyja konkursu — Dzianis Kurjan i Lejła Ismaiłava. Jašče adzin kruh stanie placoŭkaj dla padtancoŭki, adkul kankursanty zmohuć prajści ŭ tak zvany zialony pakoj — hryn-rum — dla čakańnia vyniku.

Scena dziciačaha «Jeŭrabačańnia-2010» aformlena ŭ błakitnych tanach, jak i łahatyp konkursu, astatnija kolery viasiołki buduć prysutničać u vyhladzie koleravaha afarmleńnia. Scena ŭ «Minsk-Arenie» ŭražvaje prastatoj i vytančanaściu. Ale inšaha rašeńnia dla takoj vielizarnaj placoŭki, jak «Arena», niemahčyma było prydumać.

Jak paviedamili ŭ Biełteleradyjokampanii, košt sceny — paŭmiljona dołaraŭ.

Heta nie rekordnaja suma dla abstalavańnia takoha kłasa. I hledačy pavinny acanić šou-efiekt — dla hetaha ŭ «Minsk-Arenie» nie budzie śpiecyjalnaha partera, zamiest jaho tancpadłoha na tysiaču čałaviek. Astatnija 14 tys. hledačoŭ zojmuć svaje miescy na trybunach.

• 0
• 0
• 0
• 0
• 0
• 0
• 0
• 0