«Niaŭdziełam u rehistracyi Łukašenka pakazaŭ, što jon nie akcior na vybarach, a režysior»
Rehistracyja ŭsich pretendentaŭ kandydatami ŭ prezidenty nie źjaŭlajecca śviedčańniem demakratyzacyi, miarkuje palitołah Jury Čavusaŭ.
Rehistracyja ŭsich pretendentaŭ kandydatami ŭ prezidenty śviedčyć pra toje, što ŭ Biełarusi prachodzić libieralizacyja, ale nie demakratyzacyja. Pra heta ŭ intervju BiełaPAN zajaviŭ palitołah Juryj Čavusaŭ.
Jon ličyć taki vynik čakanym.
«Heta takaja «šapka» pracesu libieralizacyi. Adnosna svabody prajšoŭ zbor podpisaŭ, niečakana šmat va ŭčastkovych kamisijach pradstaŭnikoŭ apazicyi — cełych 0,25% ad ahulnaj kolkaści členaŭ, chacia na minułych vybarach byŭ tolki adzin. Usich zarehistravali.
Ułada abiacała pakazać narodu libieralizacyju — jana jaje pakazała», — skazaŭ Čavusaŭ.
Adnak, na jaho dumku, libieralizacyja nie źjaŭlajecca demakratyzacyjaj. «Ułada dziejničaje pa scenary parłamienckich vybaraŭ 2008 hoda.
Tady taksama była adnosnaja svaboda i rehistracyi, i ahitacyi,
adnak u vyniku my atrymali zusim sterylny parłamient»,
— zaznačyŭ Čavusaŭ.
Apazicyjnyja kandydaty ŭ prezidenty, na dumku Čavusava, «čaho chacieli, toje i atrymali».
«Usie kazali, što jany źbirajucca danieści da naroda svaju pazicyju. U pieršuju čarhu heta tyčycca partyjnych kandydataŭ — Jarasłava Ramančuka z Abjadnanaj hramadzianskaj partyi, Ryhora Kastusiova z Partyi BNF, Vitala Rymašeŭskaha z arhkamiteta pa stvareńni partyi «Biełaruskaja chryścijanskaja demakratyja», u niejkaj miery — Mikałaja Statkieviča, lidara arhkamiteta pa stvareńni
Tym časam, na dumku palitołaha,
ułada maje mahčymaść zrabić vybary maksimalna padobnymi na vybary ŭ inšych krainach.«U inšych krainach 10 kandydataŭ — heta niašmat.
Adzinaha kandydata apazicyja vybiraje tolki pry žorstkaj dyktatury. Pretendentam dajucca peŭnyja mahčymaści — čym nie libieralizacyja?» — zaznačyŭ Čavusaŭ.
Adnak, na jaho dumku, vyniki vybaraŭ pradkazalnyja. «Niezdarma Łukašenka nie prysutničaŭ na ŭručeńni kandydackich mandataŭ.
Jon prademanstravaŭ, što jon nie akcior na vybarach, a režysior», — zaklučyŭ Čavusaŭ.
-
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
-
Biełaruski internet pad botami: jak ich raspaznavać i što ź imi robiać
-
Dobkin: Šmat havorać, kolki rabotnikaŭ ŠI zrobić niepatrebnymi, ale ž kolki novych spraŭ i prac jon dazvolić stvaryć?
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary