Uładzisłava Staravierava 10 śniežnia vyklikajuć u Viciebskuju abłasnuju prakuraturu «dla tłumačeńniaŭ pra parušeńnie zakanadaŭstva ab ŚMI».
Uładzisłava Staravierava 10 śniežnia vyklikajuć u Viciebskuju abłasnuju prakuraturu «dla tłumačeńniaŭ pra parušeńnie zakanadaŭstva ab ŚMI».
Na dumku niezaležnaha žurnalista, nahodaj dla vykliku stali nieadnarazovyja na praciahu apošnich miesiacaŭ zatrymańni jaho milicyjaj u časie zdymak na videakamieru.
Viny Uładzisłaŭ Staravieraŭ za saboj nie adčuvaje i pierakanany, što zakanadaŭstva ab ŚMI nie parušaŭ.
Apošniaje zatrymańnie adbyłosia 8 listapada, kali Uładzisłaŭ Staravieraŭ zdymaŭ tahačasnaha pretendenta na ŭdzieł u vybarach, viciebskaha pradprymalnika Uładzimira Pravalskaha. U viciebskim Parku vajskovaj słavy, što niedaloka ad płoščy Pieramohi, na miescy padziejaŭ źjaviŭsia supracoŭnik Čyhunačnaha RAUS Siarhiej Kazłoŭ i staŭ aktyŭna pieraškadžać zdymkam. Žurnalista ŭ toj dzień zatrymali, ale adpuścili biez składańnia pratakołu.
Uładzimir Pravalski zafiksavaŭ incydent na mabilny telefon i na nastupny dzień vykłaŭ zapis u internet. Uładzisłaŭ Staravieraŭ taksama nie vyklučaŭ kamieru i paźniej zrabiŭ videarolik pra ŭłasnaje zatrymańnie, jaki šyroka razyšoŭsia ŭ Siecivie.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali14
Kamientary