Varšaŭski Kłub katalickaj intelihiencyi raspaŭsiudziŭ zvarot z nahody padziej 19 śniežnia ŭ Minsku.
Pamiatajučy ŭłasny dośvied kamunistyčnaj dyktatury, my ŭ poŭnaj miery salidarnyja ź biełaruskim hramadstvam u jahonaj baraćbie za praŭdu i demakratyčnyja svabody. U suviazi z brutalnym razhonam mirnaj demanstracyi ŭ Minsku dy masavymi aryštami jaje ŭdzielnikaŭ Kłub katalickaj intelihiencyi ŭ Varšavie vykazvaje mocnuju zaniepakojenaść i abureńnie dziejańniami Alaksandra Łukašenki dy padlehłych jamu orhanaŭ ułady.
Jašče niadaŭna našaja kraina była vyspaju svabody, jakuju akalała kvołaja ŭžo kamunistyčnaja sistema. A siońnia ŭžo Biełaruś źjaŭlajecca apošnim bastyjonam tatalitarnaha režymu na našym volnym kantyniencie.
Biełaruś źjaŭlajecca padpisantam Dekłaracyi ab pravach čałavieka, a taksama šmatlikich inšych mižnarodnych damovaŭ, u jakich jana pryniała na siabie abaviazak pavažać svabodu słova i schodaŭ.
Padziei śniežnia 2010 hoda pakazali śvietu, što abiacańnie ŭładaŭ Biełarusi ab demakratyzacyi akazałasia fiktyŭnym. U suviazi z hvałtam, ź jakim milicyja abyjšłasia z apazicyjaj, nichto z nas nie moža zastacca abyjakavym. Dasyłajem słovy našaj salidarnaści ŭsim žycharam Biełarusi, jakija zmahajucca za zachavańnie hramadzianskich pravoŭ, što vyznaje ŭvieś cyvilizavany śviet.
Zastajučysia viernymi idei «salidarnaha» imknieńnia da źmienaŭ, apielujem da ŭładaŭ Polščy i Jeŭrapiejskaha źviazu, kab jany zadziejničali ŭsie mahčymych srodki, dziakujučy jakim niaŭradavyja arhanizacyi zmohuć akazać efiektyŭnuju dapamohu achviaram represijaŭ, a taksama arhanizavać dziejnaść na karyść demakratyzacyi žyćcia ŭ Biełarusi.
Apielujem taksama da ŭsioj biełaruskaj apazicyi, kab jana – pamiatajučy polski prykład “Salidarnaści” – abjadnałasia ŭ baraćbie za praŭdu.
Kiraŭnictva Kłuba katalickaj intelihiencyi
Maria Belina Brzozowska, Paweł Broszkowski, Piotr M.A. Cywiński, Maryna Czaplińska, Jakub Kiersnowski, Julia Koszewska, Stanisław Latek, Łukasz Rozdeiczer-Kryszkowski, Krzysztof Sawicki, Paweł Sawicki, Joanna Święcicka (prezes), Ewa Teleżyńska, Misza Tomaszewski, Marek Zając, Krzysztof Ziołkowski
Varšava, 22 śniežnia 2010 h.
Kamientary