Sustreča adbyłasia ź inicyjatyvy biełaruskich haściej.
U sieradu pa abiedzie ambasadar Biełarusi ŭ Litvie Uładzimir Dražyn i vice-ministr zamiežnych spravaŭ Valery Varaniecki naviedali litoŭskuju prezidenturu. Ich supravadžaŭ litoŭski ambasadar u Minsku Edminas Bahdonas. Supracoŭniki partału delfi.lt zafiksavali vychad z budynka hetych nieabvieščanych u prezidenckim paradku dnia haściej.
Presavy sakratar prezidenta Linas Balsis zapeŭniŭ delfi.lt, što biełaruskija dypłamaty z Hrybaŭskajcie nie sustrakalisia. «U prezidenta jany nie byli. Napeŭna, u zvyčajnym paradku sustrakalisia z našym daradnikam z zamiežnaj hrupy Darusam Siamaškam. Usio, što ja mahu skazać. Sam nie bačyŭ», -- skazaŭ jon.
Daradnik u pytańniach zamiežnych spravaŭ Darus Siamaška admoviŭsia kamientavać źmiest sustrečy. Jon tolki paŭtaryŭ, što prezident z haściami nie bačyłasia i što sustreča adbyłasia ź inicyjatyvy biełaruskich haściej.
E.Bahdonas, pačuŭšy pytańnie karespandenta, skazaŭ, što nie moža havaryć, bo ŭdzielničaje ŭ sustrečy, adnak nie ŭdakładniŭ, u jakoj, i pakłaŭ trubku.
Dyplamaty vyjšli z budynka kala 15.45, adnak nie praź dźviery, pryznačanyja dla aficyjnych haściej, a praz uvachod dla pradstaŭnikoŭ presy i rabotnikaŭ prezidentury.
Prezident D.Hrybaŭskajcie da 14.30 udzielničała ŭ cyrymonii ŭznaharodžańnia školnikaŭ.
Prezident D.Hrybaŭskajcie nie pahadžajecca z krytykaj svajho papiarednika Vałdasa Adamkusa jaje palityki ŭ dačynieńni da Biełarusi. Jana zajaviła, što katastrofa – heta nia vyjaŭlenaja joju pryjaznaść da susiedniaj dziaržavy i Alaksandra Łukašenki, a tyja dziesiać hadoŭ, kali Litva «była paviernutaja da Biełarusi śpinaj».
Paźniej presavy sakratar biełaruskaha MZS Savinych paćvierdziŭ, što Varaniecki znachodzicca ź vizitam u Litvie, ale nie zmoh patłumačyć metu vizitu.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva11
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary