Čarhovy raz byŭ dapytany aktyvist Maładoha Frontu Juljan Misiukievič.
Ź lekcyi junaka vyklikali ŭ dekanat fizičnaha fakulteta BDU, dzie navučajecca chłopiec. Praź niejki čas tudy padyšli supracoŭniki KDB i advieźli jaho ŭ budynak KDB dla dopytu u jakaści śviedki pa kryminalnaj spravie ab tak zvanych «biesparadkach 19 śniežnia». Padobnym čynam junaka pryvozili na dopyt 6 studzienia, paśla čaho chłopiec na 12 sutak apynuŭsia ŭ turmie.
U minuły raz čekisty vazili jaho ŭčatyroch, hetym razam u mašynie siadzieli tolki try supracoŭniki Kamiteta.
Maładafrontaŭcu daviałosia pryblizna hadzinku čakać, pakul vyzvalicca śledčy i pačniecca dopyt. Za hety čas major Dziemjanovič, jaki raniej kiravaŭ vobšukam na kvatery chłopca, pačastavaŭ junaka kavaju z šakaładkaju. Niepasredna dopyt pravodziŭ śledčy KDB Byčak, jaki ŭ toj ža dzień dapytvaŭ žonku Alesia Kirkieviča Nadzieju Krapivinu.
«Pra što mianie pytaŭ śledčy kazać nie budu, bo davaŭ padpisku ab nierazhałošvańni. Ale mahu skazać, ab čym nie pytaŭ. Supracoŭnikaŭ KDB padčas siońniašniaj hutarki nie cikaviła, ci bačyŭ ja, chto biŭ škło na płoščy Niezaležnaści, ci mahu ich apaznać», — apaviadaje maładafrontaviec.
Dopyt ciahnuŭsia dźvie hadziny.
Kamientary