Pasoł Ukrainy ŭ Biełarusi: Ja nie zmoh by žyć u takich umovach, jak biełarusy
«Ja zrabiŭ tak, jak pavinien byŭ zrabić i hramadzianin Biaśśmiertny, i pasoł Ukrainy».
Pasoł Ukrainy ŭ Biełarusi Raman Biaśśmiertny ŭ intervju ŭpłyvovaj ukrainskaj haziecie «Dzień» vykazaŭsia adnosna palityčnaha stanovišča ŭ Biełarusi.
U pryvatnaści, jon skazaŭ: «Z punktu hledžańnia ŭkraincaŭ, u Biełarusi vybaraŭ nie było… Ale mahu skazać: ja nie zmoh by žyć u takich umovach. Abo zrabiŭ by ŭsio, kab pieramahčy takuju situacyju, abo hetaja dziaržava pieramahła b mianie. Va Ukrainie ja rabiŭ usio, kab u nas takich vybaraŭ bolš nikoli nie było».
Pasoł Biaśśmiertny adznačyŭ, što Rasija maje ŭ Biełarusi svaje intaresy, jakija napeŭna supravadžajucca hulnioj jaje śpiecsłužbaŭ.
Pasoł nie pahadziŭsia z dumkaj, što siarod biełaruskaj apazicyi niama mocnych lidaraŭ, i ŭ jakaści tych, chto maje šansy na pieramohu, nazvaŭ Andreja Sańnikava, Uładzimira Niaklajeva. Alaksandra Milinkieviča. Jon zaklikaŭ «nie być źniavažlivymi ŭ dačynieńni da biełaruskaha naroda».
Jon akreśliŭ pazicyju Ukrainy: «Pazicyja Ukrainy absalutna vyraznaja.
Ukraina nie moža padtrymać i nikoli nie padtrymaje tyja kroki, jakija byli zroblenyja ŭ dačynieńni da biełaruskaj apazicyi,a taksama da hramadzian Ukrainy 19 śniežnia 2010 hoda. Heta nie stasujecca ź jeŭrapiejskimi, chryścijanskimi, ukrainskimi kaštoŭnaściami. Niama takich intaresaŭ — ekanamičnych, finansavych, majomasnych, bankaŭskich, jakija možna pramianiać na pravy čałavieka. Niama takoj cany».
Razam z tym pasoł padkreśliŭ važnaść ekanamičnaha i kulturnaha supracoŭnictva i zaklikaŭ ułady Ukrainy nadavać hetym humanitarnym pytańniam bolš uvahi. Jak adnu z prablemaŭ adnosinaŭ pamiž krainami jon adznačyŭ toje, što da siońnia nie demarkavanaja
Na pytańnie: «Vy nie chacieli iści na inaŭhuracyju Łukašenki?» — pasoł adkazaŭ: «Ja zrabiŭ tak, jak pavinien byŭ zrabić i hramadzianin Biaśśmiertny, i pasoł Ukrainy. Ja tudy nie pajšoŭ».
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary