Łukašenka zahavaryŭ pra homaseksualnaść, vučyć niamieckaha ministra marali
«My žyviom u demakratyčnym hramadstvie, tym bolš ja — prezident. Ja maju prava vykazvać svoj punkt hledžańnia», — adznačyŭ Łukašenka.
U svaim pieršym publičnym vystupie paśla viartańnia z adpačynku Alaksandr Łukašenka padchapiŭ temu homaseksualizmu, jakaja, byccam by, prahučała ŭ časie jahonych pieramovaŭ ź ministrami zamiežnych spravaŭ Polščy i Niamieččyny. Apošni, Hida Vestervele, jak viadoma, nie chavaje svajoj homaseksualnaj aryjentacyi.
«Pryjazdžali tut vialikija dziejačy — pravilnaj, niapravilnaj aryjentacyi. I mianie pačali paprakać, što ja asudziŭ hetuju hałubiatniu.Nu, nie padabajucca mnie błakitnyja, ja i skazaŭ, što nie padabajucca. Ci bačycie, ministry asobnyja zamiežnych spraŭ pakryŭdzilisia na mianie. Čaho na mianie kryŭdzicca?» — zajaviŭ Łukašenka žurnalistam u subotu.
«My žyviom u demakratyčnym hramadstvie, tym bolš ja — prezident. Ja maju prava vykazvać svoj punkt hledžańnia i svaju pazicyju», — adznačyŭ Łukašenka.
«Ja jamu [ministru zamiežnych spraŭ Niamieččyny] česna i skazaŭ heta ŭ vočy. Treba narmalny ład žyćcia vieści», — skazaŭ Łukašenka.«U Niamieččynie heta mahčyma, i ŭ Polščy, tady chaj hetym i zajmajucca tam», — skazaŭ Łukašenka. «A nam siudy hetaha nie treba», — zajaviŭ Łukašenka, pryznaŭšy, što «choć hetaha dabra i ŭ nas, na žal, chapaje».
Vykazvańni Łukašenki cytuje «Interfaks».
Raniej temu homaseksualizmu ekspłuatavali łukašenkaŭskija ŚMI. Jany źviazvali jaje z zachodnim ładam žyćcia. U svoj čas BT padsyłała na kanhresy apazicyi dzivakavata adzietych ludziej z hiejskimi łozunhami i zdymačnyja hrupy, raźličvajučy takim čynam zdyskredytavać apazicyju. Ciapier temu padchapiŭ asabista Łukašenka.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali1
Kamientary