Jon admoviŭsia adkazvać na pytańnie, ci budzie nadalej zajmacca palityčnaj dziejnaściu.
Jak stała viadoma «Našaj Nivie», Aleś Michalevič vypuščany pad padpisku pra niavyjezd.Jak skazaŭ Aleś, pry vyzvaleńni jamu była pastaŭlena ŭmova, kab jon nie davaŭ nijakich kamientaroŭ. Jon nie adkazaŭ na pytańnie ab abstavinach vyzvaleńnia.
Jaho davieźli da płoščy Jakuba Kołasa mašynaj KDB, adtul jon dajšoŭ da chaty sam — jon žyvie na vulicy Załataja Horka — prykładna, a 19.50.
Jon admoviŭsia adkazvać na pytańnie, ci budzie nadalej zajmacca palityčnaj dziejnaściu. Jon adznačyŭ tolki, što «jahonyja pohlady nie źmianilisia».Taksama jon admoviŭsia adkazvać na pytańni, ci dachodziła ŭ turmu niejkaja infarmacyja sa svabody i ci sutykaŭsia jon ź niejkimi inšymi viaźniami. Na pytańnie pra zdaroŭje adkazaŭ, što «zdaroŭje nie papraviŭ».
Raniej pad padpisku pra niavyjezd byli adpuščany Natalla Radzina, Siarhiej Vaźniak, Aleś Arastovič, Aleh Korban, Andrej Dźmitryjeŭ, Vital Rymašeŭski, Anatol Paŭłaŭ. Irynu Chalip i Uładzimira Niaklajeva, u svaju čarhu, pieraviali pad chatni aryšt.
Michalevič nieachvotna razmaŭlaŭ z žurnalistam u pieršyja chviliny paśla svajho viartańnia. Adčuvajecca, što, jak i inšyja palitviaźni, adrezanyja ad śvietu, jon pierabyvaje ŭ stanie śviadomaści «zamarožanaha 20 śniežnia», nie viedaje kantekstu. Viaźniam, vypuščanym raniej, patrabavałasia ad niekalkich hadzin da niekalkich tydniaŭ, kab adaptavacca da novaj realnaści i viarnucca da prafiesijnaj dziejnaści.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary