Dyrektar Biuro demakratyčnych instytutaŭ i pravoŭ čałavieka ABSE Janez Lenarčyč spadziajecca, što praca Arhanizacyi ź Biełaruśśju budzie praciahvacca.
Pra heta jon zajaviŭ u Vienie ŭ svaim vystupie na pasiadžeńni ahulnaha kamitetu pa demakratyi, pravach čałavieka i humanitarnych pytańniach Parlamenckaj asamblei ABSE:
«My pracavali ź biełaruskimi ŭładami pačynajučy ad 2009 hodu, kab niešta palepšyć. My vitajem, što niekatoryja našy rekamendacyi byli ŭličany. Ale ŭsio zaćmiła toje, što adbyłosia padčas padliku hałasoŭ na vybarach prezydenta i paśla hetaha».
Adnosna rašeńnia biełaruskich uładaŭ zakryć misiju ABSE ŭ Miensku spadar Lenarčyč skazaŭ:
«My rehularna prapanoŭvali dapamohu. My spadziajemsia, što z boku Biełarusi budzie prajaŭlena hatovaść da pracy z nami. Našy prapanovy vykładzienyja na stoł, my hatovyja adnavić našu pracu ź biełaruskimi ŭładami, kab pastavicca da taho, što adbyłosia, jak da ŭroku, kab zapabiehčy hetamu ŭ budučyni».
Jon zhadaŭ kančatkovuju spravazdaču Biuro pa vybarach, zhodna ź jakoj «Biełaruś znachodzicca daloka ad vykanańnia svaich abaviazańniaŭ adnosna demakratyčnych vybaraŭ».
Staršynia admysłovaj rabočaj hrupy Parlamenckaj asamblei ABSE pa Biełarusi Uta Capf vystupiła za neŭtralnaje raśśledavańnie padziej u Miensku, jakija adbylisia paśla prezydenckich vybaraŭ, pieradaje «Interfaks».
«My sutykajemsia z žachlivymi abvinavačańniami, jakija, na našu dumku, biespadstaŭnyja», — skazała Uta Capf.
Jana vykazała spadziavańnie, što ŭ sakaviku možna budzie arhanizavać misiju pa zbory faktaŭ. Capf adznačyła hatovaść «pačać dyjaloh spačatku».
Capf adznačyła, što ABSE nie padałosia adekvatnym toje, «jak demanstrantaŭ źbivali dubinkami».
«My nia ličym prymalnym toje, što tam adbyvałasia i adbyvajecca: pieratrusy praciahvajucca, vidać, usie kandydaty ŭ prezydenty atrymajuć abvinavačańni, ich prychilnikaŭ kidajuć za kraty, i im pahražajuć terminy ad 5 da 15 hadoŭ».
Capf ličyć heta nieprymalnym, bo demanstranty «vystupili za svaje pravy i pytańnie patrabuje detalovaha vyvučeńnia». Jana adznačyła, što ABSE vystupaje za toje, kab biełaruskija ŭłady admovilisia ad pradjaŭleńnia abvinavačańniaŭ tym, chto byŭ aryštavany padčas hetych padziejaŭ, pakul nia buduć vyśvietlenyja abstaviny.
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB20
Kamientary