Miłana Michalevič: Z mužam navat nie raźvitalisia, bo nikudy jechać nie źbiraŭsia
«Rašeńnie jon pryniaŭ imkliva, paśla niejkaj z sustrečaŭ», kaža žonka.
Aleś Michalevič vyjšaŭ z domu na zvyčajnuju sustreču, ale nazad užo nie viarnuŭsia. Dla jaho žonki Miłany heta było niečakana. Mahčymy adjezd za miažu jany z mužam nie abmiarkoŭvali. Rašeńnie, vidać, jon pryniaŭ imkliva, paśla niejkaj z sustreč, kaža Miłana.
«Ja liču, što kali moj muž tak pastupiŭ, značyć u jaho byli surjoznyja padstavy tak pastupić. My prosta nie paśpieli abmierkavać heta».
Miłana navat nie raźvitałasia z mužam. Kali Aleś vychodziŭ z doma, navat nie płanavaŭ nikudy jechać.
«Jon kali vychodziŭ z domu nie źbiraŭsia kudyści jechać. Pajšoŭ na zvyčajnyja svaje sustrečy.
Apošni tydzień u jaho byŭ standartny pracoŭny hrafik. Raźvitalisia jak zvyčajna. Padziei 19 śniežnia navučyli mianie, što z čałaviekam treba raźvitvacca tak, jak byccam hety dzień moža stać apošnim. Tak my kožny raz i raźvitvalisia. Uviečary ŭ niadzielu paśla 17 mnie paviedamili siabry, što ŭ jaho atrymałasia pierajechać miažu.
Jon pakinuŭ usie rečy, telefon, ničoha nie braŭ, jak stajaŭ tak i pajechaŭ».
Abstavinaŭ pierajezdu miažy Miłana Michalevič nie viedaje, ale tyja viersii, što byli ahučanyja raniej u presie, nazyvaje fantastyčnymi.
«Mnie samoj cikava daviedacca było b pra toje, jak, kudy i z kim jon zdoleŭ vybracca z krainy. Asabliva paśla niekalkich fantastyčnych viersij, jakija mnie paśpieli ahučyć. Ale ja padrabiaznaściaŭ nie viedaju.
Jon u biaśpiečnym miescy zaraz, i mnie hetaha dastatkova».
Navina pra adjezd Michaleviča za miažu była niečakanaj i dla Miłany, i tym bolš dla advakataŭ. Paśla sustrečy z advakatami stała viadoma tolki toje, što Alaksieja mohuć abjavić u vyšuk i admianić źmiakčeńnie miery strymańnia. Z boku śledčych da Miłany nijakich zvarotaŭ pakul nie było.
«Pakul što nijakich kantaktaŭ nie było. Zaraz advakaty pryjšli, jak zapłanavana, bo dla ich, jak i dla mianie heta było niečakanaj navinoj».
Ci budzie śledstva akazvać cisk na siamju palityka, paśla taho jak jon apynuŭsia ŭ miescy niedasiažnym dla KDB? Pra heta Miłana pakul nie dumaje.
«Mnie davoli składana ŭjavić sabie, što jany mohuć prydumać. Zdajecca za hetyja paru miesiacaŭ pasprabavali ŭsio. Ja pra heta zaraz nie dumaju».
Pa słovach Miłany, kali Aleś pahadziŭsia supracoŭničać z KDB, jon adrazu viedaŭ, što robić heta, kab vyjści i raspavieści pra katavańni. Rašeńnie prymaŭ sam, ale tady žoncy paviedamiŭ. Hetym razam Miłana zusim ničoha nie viedała.
Ciapier čytajuć
Kola Łukašenka skončyŭ univiersitet — ci trapić jon pad bližejšy pryzyŭ u armiju ci zmoža adkasić?2
Kamientary