Pakul nieviadoma, ci heta było zabojstva, ci suicyd.
Pakul nieviadoma, ci heta było zabojstva, ci suicyd.
Cieła
Chłopiec zahibłaj dziaŭčyny aryštavany. Ab hetym paviedamlaje hazieta «Turyzm i adpačynak» sa spasyłkaj na vydańnie The Times of India.
«Rasśledavańnie pakazała, što napiaredadni susiedzi bačyli, jak dziaŭčyna i dva jaje siabra prymali kietamin ŭ pakoi, jaki jana zdymała. Maładyja ludzi ŭžyvali narkotyki ŭnutryvienna, vykarystoŭvajučy špryc», — raskazała indyjskaj haziecie krynica ŭ palicyi pasiołka Anžuna.
Pa źviestkach palicyjantaŭ, znachodziačysia pad dziejańniem narkotykaŭ, poźniaj nočču ŭ paniadziełak, 7 sakavika, troje maładych ludziej hučna kryčali i šumna tancavali.
Patryvožanaja susiedzi navat byli vymušanyja vyklikać palicyju. «Kali my pryjechali ŭ apartamienty, to ŭbačyli, što para pavodzić siabie dziŭna, a adzin ź ich trymaje ŭ rukach tryzubiec i kryčyć «Ja boh!», — pryvodzić śviedčańni palicejskich The Times of India.
U dadzieny momant palicyja sprabuje znajści siabra, jaki ŭžyvaŭ kietamin razam z paraj. Pra jaho viadoma tolki toje, što jon vałodaje kafe ŭ Arambole. «Kali jon sychodziŭ, dyk skazaŭ ŭładalniku apartamientaŭ, što ranicaj čuŭ mocny huk z boku raki, jak byccam chtości skoknuŭ, ci kinuŭ štości ŭ vadu», — raspavioŭ surazmoŭca The Times of India. U svaju čarhu, vartaŭnik apartamientaŭ bačyŭ dziaŭčynu ŭ aŭtorak ranicaj — a 6 ranicy jana nakiroŭvałasia na zadni dvor, spuskałasia da raki. Jaje cieła było znojdziena ŭ race kala troch hadzin dnia.
U palicyi pačata rasśledavańnie abstavin hibieli biełaruski.
«Na pieršy pohlad zdajecca, što heta samazabojstva, ale my źbirajemsia dačakacca vynikaŭ uskryćcia, pierad tym jak pryniać kančatkovaje rašeńnie»,— padkreślili ŭ palicejskim učastku. Miž tym uskryćcio adkładałasia, bo sudovamu lekaru byŭ patrebny aficyjny dazvoł, atrymany albo ŭ biełaruskim pasolstvie, albo ŭ siamji dziaŭčyny. Praź niekalki dzion paśla taho, jak palicyja nakiravała zapyt u Ofis rehistracyi zamiežnikaŭ, dazvoł byŭ atrymany, i ŭrač zrabiŭ uskryćcio. U vyniku ŭ straŭniku zahibłaj była vyjaŭlenaja zialonaja želepadobnaja substancyja, ale vyjavić jaje pachodžańnie nie atrymałasia. Ekśpierty płanujuć pravieści dadatkovyja analizy, kab vyśvietlić, ci prymała dziaŭčyna narkotyki.
Tym časam palicyja aryštavała jaje maładoha čałavieka za sprobu samahubstva. «U svaim pryznańni chłopiec raskazaŭ, što apošnija niekalki tydniaŭ pamiž imi pastajanna ŭspychvali svarki. U paniadziełak viečaram jany ŭžyvali kietamin, a kali na nastupny dzień jon pračnuŭsia, vyjaviŭ, što dziaŭčyny niama ŭ pakoi. Jon vyrašyŭ, što jana jaho kinuła, tamu pasprabavaŭ skončyć žyćcio samahubstvam, raźbiŭšy butelku ab hałavu», — raspaviali The Times of India ŭ palicyi.
Palicyja pasiołka Anžuna była painfarmavanaja pasolstvam Biełarusi ŭ Indyi, što dypłamaty źviazalisia z maci zahibłaj dziaŭčyny, i na praciahu niekalkich dzion jana prymie rašeńnie, dzie budzie pachavanaja jaje dačka — u Hoa abo na radzimie.
Varta zaŭvažyć, što ŭ apošni čas nazva indyjskaha štata ŭsio čaściej zhadvajecca ŭ navinach z kryminalnym adcieńniem: stužki infarmacyjnych ahienctvaŭ poŭnyja paviedamleńniaŭ ab źbivańni i zhvałtavańniach turystaŭ, pra vypadki kradziažu i — čaściej — pieradaziroŭki narkotykaŭ.
Adnak padobnyja naviny nikolki nie pałochajuć turystaŭ ź Biełarusi. Da prykładu, jak raspaviali ŭ kampanii «Solvex», Hoa zastajecca zapatrabavanym: navat u sakaviku, kali turystyčny siezon padychodzić da kanca i pačynajecca siezon daždžoŭ, turysty praciahvajuć cikavicca turami — jak praviła, heta maładyja ludzi, jakija vybirajuć jakasny i niedarahi adpačynak.
Kamientary