Na sajcie Mižnarodnaj chakiejnaj fiederacyi apublikavany kalandar matčaŭ čempijanatu śvietu pa chakiei - 2012, što projdzie adrazu ŭ dźviuch krainach: Finlandyi i Šviecyi.
Nahadajem, što ad 2012 h. suśvietnaje pieršynstvo budzie pravodzicca pavodle novaj schiemy. 16 kamandaŭ raźbityja na dźvie hrupy pa vosiem zbornych, što zhulajuć miž saboj u adnakruhavy turnir.
Zbornaja Biełarusi trapiła ŭ adnu hrupu sa zbornymi Finlandyi, Kanady, ZŠA, Słavakii, Francyi, Šviejcaryi, Kazachstana.
Svoj pieršy matč zbornaja Biełarusi zhulaje z čempijonami śvietu zbornaj Finlandyi 4 maja (pačatak u 20:15),
zatym: 6 maja z Šviejcaryjaj (20:15), 8 maja z Kazachstanam (16:15), 10 maja z ZŠA (16:15), 12 maja sa Słavakijaj (12:15), 14 maja z Francyjaj (16:15), 15 maja z Kanadaj (12:15).
Usie hulni projduć u Chielsinki. U čverćfinał vychodziać pa čatyry kamandy z hrupy (pieramožcy hrup hulajuć z čaćviortymi kamandami svaich ža hrup i h.d.).
Kamanda, što zojmie apošniaje miesca ŭ hrupie, pakinie elitny dyvizijon. Turniru za vyžyvańnie ciapier nie budzie.
Na čemmpijanacie śvietu 2011 hoda ŭ Słavakii Biełaruś zaniała 14-je miesca, hulaŭšy akurat u turniry na vyžyvańnie.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali6
Kamientary