Z prośbaj jany źviarnulisia ŭ Administracyju prezidenta, Saŭmin, kamitet dziaržkantrolu.
RHA «Pierśpiektyva» źviarnułasia ŭ Administracyju prezidenta z prapanovaj ab pieranosie Červieńskaha rynku. Adpaviedny zvarot taksama nakiravany ŭ Saŭmin, departamient pa pradprymalnictvie pry Minekanomiki, Kamitet dziaržkantrolu.
Jak paviedamlałasia raniej, na miescy rynku płanujecca pabudavać z udziełam iranskaj kampanii «Dydas» bujny handlovy, dziełavy i zabaŭlalny centr z płaskasnymi aŭtastajankami i padziemnym parkinham.
U suviazi z rekanstrukcyjaj rynku «z 1 lipienia 2011 hoda minskimi ŭładami płanujecca likvidavać rynak „Červieński“ i adpaviedna 1.300 pracoŭnych miescaŭ i tym samym pazbavić srodkaŭ da isnavańnia pradprymalnikaŭ, jakija tam pracujuć, i členaŭ ich siemjaŭ», havorycca ŭ zvarocie.
Staličnyja ŭłady prapanavali pradprymalnikam pierajechać na inšaje miesca — abo na «Dynama», abo na rynak u Ždanovičach. Razam z tym u HC «Ždanovičy» nie zmohuć pryniać usich achvotnych pradprymalnikaŭ, a rynak «Dynama», pavodle apošnich źviestak, budzie pracavać nie bolš za hod, adznačajecca ŭ zvarocie.
«Hetyja prapanovy miascovych uładaŭ niepradumanyja i pamyłkovyja, i ich možna vyklučyć jak zaviedama nieprachodnyja dla handlaroŭ rynku „Červieński“, tamu što nie maje sensu pierajazdžać u miesca, adkul znoŭ paprosiać, i vielmi chutka», — robiać vysnovu pradprymalniki.
Situacyja ŭskładniajecca tym, što vysialeńnie projdzie ŭ samy razhar siezona prodažu, što, pa prahnozach pradprymalnikaŭ, pazbavić ich zapłanavanaj vyručki.
«U ciapierašniaj situacyi ludziam, jakija z 1 lipienia 2011 mohuć zastacca biez pracy i srodkaŭ da isnavańnia, hublać niama čaho, i jany vymušany buduć abaraniać svaje pravy i intaresy ŭsimi dastupnymi srodkami ŭ miežach dziejnaha zakanadaŭstva. Mahčymy sacyjalny vybuch», — papiaredžvajuć u RHA «Pierśpiektyva».
«Svajo abureńnie dziejańniami minskich uładaŭ vykazvajuć i žychary sumiežnaha kvartała, jakija buduć pazbaŭlenyja mahčymaści kuplać niedarahija tavary i płodaaharodninnuju pradukcyju ź sialanskich i asabistych haspadarak», — padkreślivajecca ŭ paviedamleńni.
Uličvajučy šerah niehatyŭnych źjaŭ, jakija paciahnie za saboj likvidacyja rynku, RHA «Pierśpiektava» prapanuje «adkłaści terminy zakryćcia rynku, abvieščanyja minskimi ŭładami, i dać pradprymalnikam mahčymaść praciahnuć da 1 studzienia 2012 hoda svaju dziejnaść na handlovych miescach Červieńskaha rynku».
Na praciahu astatniaha času hramadskaje abjadnańnie prapanuje daručyć orhanam ułady «razam z pradprymalnickaj supolnaściu raspracavać miechanizm zachavańnia brenda „Červieński rynak“ i kalektyvu pradprymalnikaŭ šlacham vydzialeńnia ŭčastka ziamli i centralizavanaha pieranosu zhadanaha rynku na novaje miesca, tym samym zachavaŭšy pracoŭnyja miescy dla 1.300 čałaviek».
Akramia taho, «Pierśpiektyva» prapanuje pravieści vyjaznuju sustreču pradprymalnikaŭ Červieńskaha rynku z pradstaŭnikami Administracyi prezidenta i Kamiteta dziaržkantrolu.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary