Pravaabaroncu Taćcianu Raviaka vyklikajuć na dopyt u jakaści śviedki pa spravie Alesia Bialackaha.
Pavodle jaje słoŭ, pozvu na dopyt raniej joj vysyłali jašče na 25 žniŭnia. "Adnak mianie nie było ŭ Biełarusi ŭ hety dzień. Ja viarnułasia, znajšła pozvu ŭ paštovaj skryni i pieratelefanavała ŭ Departamient finansavych rasśledavańniaŭ. Rastłumačyła im, što ja nie źbirajusia chavacca ad śledstva, i my damovilisia, što ja źjaŭlusia na dopyt 6 vieraśnia ŭ 15 hadzin", — skazała Raviaka.
Siońnia pravaabaronca zaklučyła pahadnieńnie z advakatam.
"Moj dopyt aznačaje, što śledčyja dziejańni pa spravie Bialackaha praciahvajucca" — adznačyła Raviaka.
Vice-prezident Mižnarodnaj fiederacyi pravoŭ čałavieka, kiraŭnik zakrytaha biełaruskimi ŭładami pravaabarončaha centra "Viasna" Aleś Bialacki byŭ zatrymany ŭ Minsku viečaram 4 žniŭnia. 5 žniŭnia ŭ dačynieńni da zatrymanaha abrali mieru strymańnia ŭ vyhladzie źmiaščeńnia pad vartu. 12 žniŭnia pravaabaroncu pradjavili abvinavačańnie na padstavie častki 2 artykuła 243 Kryminalnaha kodeksa (utojvańnie dachodaŭ u asabliva bujnym pamiery) i pradoŭžyli termin utrymańnia pad vartaj na dva miesiacy.
Aryšt Bialackaha vyklikaŭ šyroki mižnarodny rezanans. Vyzvaleńnia pravaabaroncy zapatrabavali kiraŭnictva Jeŭrasajuza, ZŠA i inšych dziaržaŭ, pravaabarončyja struktury, viadomyja hramadskija dziejačy i palityki.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary