12 vieraśnia adbudziecca aficyjny vizit u Biełaruś ministra zamiežnych spraŭ Armienii Edvarda Nałbandziana.
Jak paviedamlaje pres-słužba biełaruskaha MZS, padčas vizitu płanujecca abmierkavać šyroki śpiektr pytańniaŭ dvuchbakovaha supracoŭnictva ŭ palityčnaj, handlova-ekanamičnaj, humanitarnaj i inšych halinach. Asablivaja ŭvaha budzie nadadziena razhladu pierśpiektyŭ uzajemadziejańnia i mier pa pašyreńni dyjałohu dźviuch krain.
Čakajecca, što pa vynikach pieramoŭ budzie padpisany płan supracoŭnictva pamiž ministerstvami zamiežnych spraŭ dźviuch krain na 2011—2012 hady.
Biełaruś pa abjomie handlu z Armienijaj zajmaje treciaje miesca siarod krain SND (paśla Rasii i Ukrainy). Pa vynikach 2010 hoda ekspart biełaruskaj pradukcyi ŭ Armieniju skłaŭ 42,1 młn. dołaraŭ ZŠA (uzros na 81,2%), impart — 5,1 młn. (rost na 0,4%). Stanoŭčaje salda skłała 37 młn. dołaraŭ.
Asnoŭnymi ekspartnymi pazicyjami Biełarusi ŭ handli z Armienijaj źjaŭlajucca šyny, aŭtamabili hruzavyja, častki i pryłady dla aŭtamabilaŭ i traktaroŭ, leki, małako i viarški zhuščanyja i suchija, masła, faniera, traktary. Asnovu impartu z Armienii składajuć mocnyja śpirtnyja napoi, tytuniovyja vyraby, chimičnyja rečyvy i leki.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary