Žychary Biełarusi ŭ śniežni 2011 hoda kupili ŭ bankaŭ najaŭnaj zamiežnaj valuty na 41,7% bolš, čym u listapadzie.Abjom nabytaj fizičnymi asobami valuty vyras da $379,8 młn. u ekvivalencie, paviedamili ŭ Nacbanku.
Prapanavańnie najaŭnaj valuty ŭ śniežni z boku nasielnictva skłała $519,4 młn., pavialičyŭšysia na 19,6% u paraŭnańni z papiarednim miesiacam. U listapadzie ž na valutnym rynku Biełarusi nazirałasia supraćlehłaja situacyja: źnižeńnie popytu na zamiežnuju valutu z $279 młn. da $268 młn., prapanavańnie taksama skaraciłasia — z $462,2 młn. da $434,4 młn.
U cełym za 2011 hod, pavodle danych Nacbanka, žychary krainy kupili $4,049 młrd. najaŭnaj zamiežnaj valuty ŭ ekvivalencie, što na 47,4% u paraŭnańni z papiarednim hodam. Prodaž bankam valuty z boku nasielnictva skaraciŭsia ŭ minułym hodzie na 32,2% da $4,519 młrd. Jak vynik, skłałasia dadatnaje salda prodažu/kupli najaŭnaj zamiežnaj valuty. Za
U śniežni minułaha hoda na valutnym rynku Biełarusi siarednieŭzvažany aficyjny kurs nacyjanalnaj valuty da amierykanskaj skłaŭ Br8427,81 za $1.Siarednieŭzvažany aficyjny kurs biełaruskaha rubla adnosna dołara ZŠA za 2011 hod skłaŭ Br5605,84 suprać Br2993,74 za 2010 hod.
Kamientary