Dypłamatyčnaja vajna doŭžyłasia niapoŭnyja dva miesiacy.
Pasoł Litvy ŭ Biełarusi Edminas Bahdonas viartajecca na svajo pracoŭnaje miesca ŭ Minsk, paviedamili Delfi u Ministerstvie zamiežnych spraŭ.
Pavodle nieaficyjnych dadzienych MZS, pasły ES buduć viartacca ŭ stalicu Biełarusi nie adrazu ŭsie razam, a paetapna.
Jak paviedamlałasia, što siońnia ŭ Minsk pavinien prybyć pasoł Šviecyi Stefan Eryksan. A 27 krasavika ŭ Biełaruś płanuje viarnucca pasoł Čechii Iržy Karas.
***
Raniej brusielskaje vydańnie EUobserver sa spasyłkaj na vysokapastaŭlenuju krynicu ŭ ES paviedamlała, što pieršymi ŭ Minsk pavinny viarnucca kiraŭnik pradstaŭnictva Jeŭrasajuza Majra Mora i pasoł Polščy Lešak Šarepka, jakim biełaruskija ŭłady 28 lutaha rekamiendavali pakinuć krainu dla kansultacyj sa svaim kiraŭnictvam. Na taki krok Minsk pajšoŭ paśla taho, jak Rada ministraŭ ES pryniała rašeńnie ab pašyreńni sankcyj ŭ dačynieńni da Biełarusi. U znak salidarnaści sa svaimi kalehami ŭ kancy lutaha — pačatku sakavika Biełaruś pakinuli ŭsie pasły krain Jeŭrasajuza.
23 krasavika Rada ministraŭ zamiežnych spraŭ ES abmierkavaŭ biełaruskaje pytańnie na pasiadžeńni ŭ Luksiemburhu. Rada vitała vyzvaleńnie apazicyjnych palitykaŭ Andreja Sańnikava i Źmitra Bandarenki, padkreśliŭšy pry hetym nieabchodnaść vyzvaleńnia i reabilitacyi ŭsich palitźniavolenych.
Pavodle infarmacyi polskaha ahienctva PAP, padčas pasiadžeńnia ministr zamiežnych spraŭ Litvy Aŭdronius Ažubalis vykazaŭ aściarohu, što viartańnie pasłoŭ u Minsk moža być vykarystana Alaksandram Łukašenkam u prapahandysckich metach. Litoŭski ministr prapanavaŭ ES vystupić z zajavaj nakont viartańnia dypłamataŭ u Biełaruś, adnak, miarkujučy pa ŭsim, hetaja inicyjatyva nie znajšła padtrymki va ŭdzielnikaŭ pasiadžeńnia.
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary