27 krasavika ŭ DZC «Kosmo» adčyniłasia dabračynnaja fotavystava «Dzieci našyja». Kožny jaje hość zmoža nie tolki acanić dušeŭnyja raboty majstra fota Iny Dubroŭskaj, ale i akazać dapamohu padapiečnym mižnarodnaha dabračynnaha fondu «Šans».
Raboty, jakija demanstrujucca na vystavie, adčyniajuć dźviery ŭ śviet idealnaha dziacinstva, dzie vaładarać piaščota, luboŭ i zadroŭje, — važkija składniki ščaścia, na jakoje maje prava kožny maleńki čałaviek!
Arhanizatary mierapryjemstva — časopis «BabyBoom!», AAT «Biełorusskij Narodnyj Bank», DZC «Kosmo» — zaklikali naviedvalnikaŭ vystavy nia być abyjakavymi da dziaciej, jakim patrebnyja kłopat i piaščota, a jašče darahija miedyčnyja apieracyi.
Vystupajučy na adkryćci vystavy, dyrektar mižnarodnaha fondu «Šans» Natalla Machańko padkreśliła važnaść sacyjalnaj adkaznaści i biznesu: «Analizirujučy pracu našaj arhanizacyi za čatyry hady, ja mahu skazać, što ŭ Biełarusi kala 40% achviaravańniaŭ robiać pradstaŭniki biznes-struktur. Heta vialiki pakazčyk, asabliva na tle anałahičnych suśvietnych dadzienych u 20%. Siońnia možna śmieła kazać pra toje, što ŭ našaj krainie sacyjalnaja adkaznaść biznesu značnaja. Jak dabračynnaja arhanizacyja, my cenim heta».
Vystava projdzie da 12 traŭnia. Uvachod volny.
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec88
Kamientary