U Navahrudku idzie ramont. Niekatoryja pracy vyklikajuć pytańni ŭ miascovych žycharoŭ.
U červieni 2012 hoda ŭ Navahrudku płanavali pravieści čarhovy fest siaredniaviečnaj kultury. U raspaŭsiudžanaj naprykancy minułaha hoda papiaredniaj prahramy fiestyvalu byli tradycyjnyja mierapryjemstvy — kancerty siaredniaviečnaj muzyki, horad majstroŭ, buhurty i abaviazkovaja insceniroŭka šturmu zamka.
Adnak, VI mižnarodny fiestyval «Navahradak-2012» sioleta nie adbudziecca. Jak paviedamili «NN» u adździele kultury Navahrudskaha rajvykankama, pryčyna admieny ŭ tym, što ŭ hetym hodzie ŭ Navahrudku buduć śviatkavać abłasnyja «Dažynki».Mahčyma, patłumačyli ŭ rajvykankamie, fiestyvali spałučać.
Na dadzieny momant Navahrudak rychtujuć da abłasnych «Dažynak». Niekatoryja pracy vyklikajuć pytańni ŭ žycharoŭ horada. Adzin ź ich napisaŭ u redakcyju pra restaŭracyju haradskoha Doma kultury. Jon źviartaje ŭvahu na toje, što budynak źjaŭlajecca pomnikam architektury XIX st.
Čytač prykładaje fotazdymak budynka: vokny častkova zakładzienyja silikatnymi błokami, na druhim paviersie nad uvachodam źjaviŭsia novy prajom.
U adździele kultury rajvykankama supakoili, što zakładzienyja vokny — časovaja miera. «Pracy adbyvajucca zhodna prajektna-kaštarysnaj dakumientacyi. Hetaja miera — časovaja».
Budynak, u jakim mieścicca Dom kultury, byŭ pabudavany ŭ 1893 hodzie, paźniej nieadnarazova dabudoŭvaŭsia i ramantavaŭsia.
Apošnija siem hod začynieny na ramont. U 2009 hodzie «Hrodzienskaja praŭda» pisała pra jaho:
«Napeŭna, praściej było b usio złamać i pabudavać novy sučasny Dom kultury. Ale ścieny staroha budynka ŭjaŭlajuć histaryčnuju kaštoŭnaść, i jano zaličana da historyka-kulturnym pomnikam».
***
Padobnaja situacyja z admienaj siaredniaviečnaha fiestyvalu ŭ Navahrudku ŭžo zdarałasia ŭ 2008 hodzie. Tady fest pieranieśli ŭ suviazi z tym, što horad adznačaŭ 965 ci hodździe.
Festy «Navahradski zamak» pačali pravodzić z 2000 hoda, apošni prajšoŭ u 2010 hodzie. Jon byŭ pryśviečany 600-hodździu Hrunvaldskaj bitvy.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary