Homielskaja haścinica «Turyst» skasavała dahavor ab arendziekanfierenc-zały dla prezientacyi filma «Linija Stalina — Homielski rehijon», pryśviečanaha stalinskim represijam na terytoryi vobłaści.
Hramadskija aktyvisty płanavali pravieści prezientacyju 19 maja. Arhanizataram vystupiła kaalicyja «Naša alternatyva».
Jak paviedamiŭ aŭtar idei filma Kanstancin Žukoŭski, 15 maja jon zaklučyŭ dahavor z administracyjaj haścinicy na arendu
Jon źviazvaje admovu ŭ arendzie z tym, što aktyvisty 16 maja zaprasili na premjeru supracoŭnikaŭ KDB, ideałahičnych adździełaŭ i BRSM.«Nam było cikava pravieści šyrokuju hramadskuju dyskusiju na temu roli Stalina ŭ historyi z zacikaŭlenymi ludźmi. Mabyć, u pradstaŭnikoŭ ułady i siłavych struktur niama arhumientaŭ suprać taho, što pakazana ŭ našym filmie, fakt stalinskich represij jany admaŭlajuć, bo ličać siabie naščadkami taho režymu», — vykazaŭ mierkavańnie Žukoŭski.
Film zdymaŭsia sa žniŭnia 2011 hoda pa sakavik 2012 hoda. Aktyvisty źbirali infarmacyju ab miescach masavych rastrełaŭ ludziej, pakazańni śviedak, svajaki jakich źviedali stalinskija represii.
«Linija Stalina — heta nie abarončy rubiež u Minskaj vobłaści, a linija teroru suprać biełaruskaha naroda. Na žal, ułady ŭparta zamoŭčvajuć histaryčnyja fakty, admaŭlajučy stalinskija represii. Ab hetym havoryć i toj fakt, što kali ŭ 2007 hodzie pad Homielem raskapali miescy masavych rasstrełaŭ ludziej, ułady paličyli za lepšaje admaŭčacca i skazali, što tam byli zabity čyrvonaarmiejcy», — dadaŭ surazmoŭca BiełaPAN.
Kamientary