Hałoŭny trenier FK «Tarpieda» Minsk vybačyŭsia pierad zaŭziatarami za bojku na matčy z «Partyzanam».
Redakcyja «Našaj Nivy» atrymała zajavu hałoŭnaha treniera FK «Tarpieda» Minsk Anatola Famina, u jakoj jon vybačajecca za incydent padčas matču, što prajšoŭ u minułuju suboty pamiž FK «Tarpieda» i «Partyzanam» (matč čempijanatu stalicy).
«23 červienia padčas hulni čempijanatu h. Minska pa futbole pamiž kamandami „Tarpieda“ i „Partyzan“ svajoj niastrymannaściu ja nanios abrazu sapraŭdnym znaŭcam futboła: zreahavaŭ na pravakacyju i ŭdaryŭ hulca kamandy „Partyzan“. Prašu prabačeńnia va ŭsich, chto ščyra lubić futboł jak hulniu sapraŭdnych mužčyn, jak hulniu intelektuałaŭ, jak vidovišča blizkaje da teatru.
Prašu prabačeńnia ŭ tych, chto ličyć, što futboł abjadnoŭvaje ludziej i raźvivaje tvorčyja zdolnaści. Prašu daravać mnie za toje, što dazvoliŭ sabie być skotam, bo vielmi važna im nie być.
Hałoŭny trenier kamandy „Tarpieda“ Minsk Anatol Famin».
***
- Nahadajem, što matč 23 červienia na pieršynstvo Minska pamiž «Tarpieda» i «Partyzanam» byŭ azmročany bojkaj. Pryčynaj pasłužyŭ foł hulca «Tarpieda» suprać futbalista «Partyzana», u vyniku jakoha ŭ druhoha było raśsiečana bryvo. Spačatku pamiž saboj «sčapilisia» tolki hulcy, ale kali zdavałasia, što kanflikt namahańniami arbitraŭ spynieny, na pole vybieh hałoŭny trenier «Tarpieda» Anatol Famin i ŭdaryŭ futbalista «Partyzana». Paśla hetaha bojka ŭspychnuła z novaj siłaj. Udzieł u joj uziali i zapasnyja hulcy. Kanflikt udałosia zhasić tolki z dapamohaj milicyi. Matč byŭ dahulany.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary