Na vulicach Minska źjavilisia 20 biłbordaŭ z zaklikam vieści zdarovy ład žyćcia
U Minsku pačałasia infarmacyjna-aśvietnickaja kampanija «Być zdarovym — heta prosta!»
U roznych rajonach horada raźmieščany 20 biłbordaŭ z vyjavaj viadomaha tenisista Maksima Mirnaha. Siužety płakataŭ ilustrujuć mahčymaści zajmacca sportam u parkach, dvarach, na stadyjonach: bieh pa alejach i leśvicach, praktykavańni na łaŭcy i na brusach.
Biłbordy, u pryvatnaści, možna ŭbačyć kala HC «Karona» na vuł. Kalvaryjskaj, pobač z «Prestan-Markiet» na vuł. M. Bahdanoviča, niedaloka ad płoščy Miaśnikova i architekturnaha fakulteta BNTU na pr. Niezaležnaści, u inšych miescach.
«Tvaram kampanii «Być zdarovym — heta prosta!«fbrany Maksim Mirny, pasoł dobraj voli JUNISIEF i pieršaja rakietka śvietu ŭ parnym razradzie, — paviedamlajecca ŭ pres-relizie Pradstaŭnictva Dziciačaha fondu AAN u Biełarusi. — Jon źjaŭlajecca rolevaj madellu dla biełarusaŭ — paśpiachovy, zdarovy čałaviek z družnaj vialikaj siamjoj ź niekalkich pakaleńniaŭ. Historyja jaho pośpiechu, zasnavanaja na žadańni być najlepšym, na pastajannaj pracy nad saboj jak u prafiesijnym, spartyŭnym kirunku, tak i ŭ asobasnym, znojdzie vodhuk siarod padletkaŭ i moładzi».
Kampanija raźličanaja na 2012—2014 hh. Anałahičnyja biłbordy źjaviacca taksama ŭ Breście, Barysavie, Homieli, Horkach, Hrodnie, Dobrušy, Žodzina, Kaściukovičach, Lidzie, Mazyry, Maładziečnie, Navahrudku, Navapołacku, Połacku, Pinsku, Pružanach, Śvietłahorsku, Słucku, Salihorsku i Škłovie.
Kamientary