Łukašenka: Tam, dzie nie chapaje miechanizataraŭ, treba vyhaniać z pracy až da staršyni rajvykankama
Alaksandr Łukašenka zapatrabavaŭ užyvać miery da čynoŭnikaŭ za adsutnaść miechanizataraŭ i prastoi techniki. Pra heta jon zajaviŭ 27 lipienia ŭ časie rabočaj pajezdki ŭ Kamianiecki rajon Bresckaj vobłaści, paviedamlaje pres-słužba kiraŭnika dziaržavy.
Jak dakłaŭ Łukašenku staršynia Kamiteta dziaržkantrolu Alaksandr Jakabson, u ciapierašni čas u pracesie ŭboračnaj kampanii miescami ŭ krainie adznačajecca deficyt miechanizataraŭ, z-za čaho asobnyja kambajny prastojvajuć.
«Tam, dzie nie chapaje miechanizataraŭ, treba vyhaniać z pracy až da staršyni rajvykankama i abjaŭlać vymovu hubiernataru», — adreahavaŭ na hetuju infarmacyju Łukašenka. Jon papiaredziŭ, što kali dzieści budzie vyjaŭlena, što technika prastojvaje z-za hałavaciapstva, to da adkaznych za heta buduć užytyja dyscyplinarnyja spahnańni. «I bolš nie atrymajecie ni adnaho kambajna na vobłaść. Tamu što my (dziaržava) vydatna dapamahajem. A vy ich (kambajny) pad płotam trymajecie», — skazaŭ biełaruski kiraŭnik.
Hałoŭnaj zadačaj padčas ciapierašniaj uboračnaj kiraŭnik dziaržavy nazvaŭ jakaść praviadzieńnia rabot. Jon taksama adznačyŭ, što ŭ ahraryjaŭ jość vialikija reziervy dla pavyšeńnia efiektyŭnaści i kultury ziemlarobstva, niahledziačy na značnyja vyniki, dasiahnutyja ŭ sielskaj haspadarcy za apošnija hady. «U nas jašče vialikija reziervy ŭ samoj kultury, efiektyŭnaści ziemlarobstva. Što takoje ŭradžajnaść 40 centnieraŭ z hiektara? Možna minimum 50 atrymać. Heta ž vialikaja prybaŭka, jašče paŭmiljona ton. Pry hetym nie treba dadatkova ni arać, ni siejać», — padkreśliŭ Łukašenka .
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary