Arkiestr, pakazy junackaj mody, spartoŭcy i mastaki. U Minsku prachodzić haradski forum piedahohaŭ.
Ranica, Kastryčnickaja płošča, učastak z boku Minabłvykankama. Arkiestr u maršavym tempie vykonvaje pieśniu «Radzima maja darahaja». Ź im spračajecca nievialički kalektyŭ z cymbałami i harmonikam — jon prapanuje słuchačam i hledačam «Kupalinku».
Pobač na hihanckim macie demanstrujuć svajo majsterstva junyja karatysty. Dziasiatki dziaŭčatak-čyrlidaraŭ tančać vakoł impravizavanych spratyŭnych placovak.
Z hihanckich prystupak spuskajucca čarodki madelaŭ, jakija demanstrujuć uzory moładzievaj mody. Junyja mastaki ź ciažkaściu ŭtrymlivajuć malbierty — siońnia z ranicy viecier razhulaŭsia nie na žart.
Sałamianyja zubry i łasi, rycary na koniach, vaŭnianyja viarbludy i miadźviedzi — svajo ŭmielstva demanstrujuć centry dziciačaj tvorčaści. A pamiž impravizavanymi śviatočnymi placoŭkami chodziać čynoŭnickaha vyhladu mužčyny i žančyny, siarod ich ministr adukacyi Ciarhiej Maskievič u atačeńni kiraŭnikoŭ horada — 24 žniŭnia ŭ Minsku prachodzić haradski forum piedahohaŭ.
U natoŭpie vyłučajucca słavienskija spartoŭcy, udzielniki CHCHCH Suśvietnaha čempijanatu lesarubaŭ, što hetymi dniami prachodzić u Raŭbičach. Mnohija zacikaŭlena azirajucca na ich havorku. Zrešty, padobnuju reakcyju ŭ mnohich vyklikaje i biełaruskaja mova.
Vuličnaja častka prahramy padobnych sieminaraŭ ładzicca ŭ karnavalnym styli nie pieršy raz. Letaś narada piedaktyvu ŭ Minsku prachodziła ź jašče bolšym razmacham.
Kamientary