Rasija ŭ 2012 h. vydatkavała na padtrymku Biełarusi 6 młrd dalaraŭ
«Za košt istotna źnižanych cenaŭ na haz, bieśpieraškodnych pastavak naftapraduktaŭ i stvareńnia inšych spryjalnych umovaŭ».
Padtrymka Biełarusi z boku Rasii sioleta ŭžo pieravysiła 6 młrd dalaraŭ ZŠA, paviedamiŭ staršy daradca pasolstva Rasii Valeryj Bandarenka.
«Tolki sioleta Biełaruś, za košt istotna źnižanych cenaŭ na haz, bieśpieraškodnych pastavak naftapraduktaŭ i stvareńnia inšych spryjalnych umovaŭ, užo atrymała dadatkova bolš za 6 miljardaŭ dalaraŭ», — zajaviŭ Valery Bandarenka ŭ intervju Interfaksu.
Dypłamat nie bačyć padstavaŭ dla ŭźniknieńnia jakichści novych surjoznych supiarečnaściaŭ u rasijska-biełaruskich stasunkach.
«Chaj nie ciešać siabie iluzijami tyja, chto b hetaha žadaŭ», — adznačyŭ Bandarenka.
«U dvuchbakovych adnosinach nie byvaje zaŭsiody ŭsio hładka i raŭnaznačna. My — dźvie niezaležnyja suvierennyja dziaržavy, u kožnaj svaje intaresy, pryncypy, zakony», — kaža Bandarenka.
Havoračy pra dvuchbakovyja stasunki, staršy daradca dadaŭ: «Moža, časam u hety praces umiešvajucca emocyi. Ale, tym nia mienš, prablemy nie zahaniajucca ŭ tupik, a znachodziać svajo łahičnaje raźviazańnie».
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB20
Kamientary