Upraŭleńnie kultury Mienharvykankamu rekamiendavała arhanizataram kancertu hurta «Krama» padać zajaŭku na jaho praviadzieńnie ŭ vyšejšuju instancyju — Ministerstva kultury abo adpaviedny adździeł Administracyi prezidenta
Upraŭleńnie kultury Minharvykankama rekamiendavała arhanizataram kancerta hurta «Krama» padać zajaŭku na jaho praviadzieńnie ŭ vyšejšuju instancyju — Ministerstva kultury abo adpaviedny adździeł Administracyi prezidenta. Pra heta BiełaPAN paviedamiŭ arhanizatar kancerta Pavieł Kašyryn.
Nahadajem, zajaŭka na praviadzieńnie kancerta, prymierkavanaha da vychadu novaha alboma hurta «Krama», była padadziena 15 sakavika va ŭpraŭleńnie kultury Minharvykankama. Pavodle słoŭ P.Kašyryna, «admovy ŭ praviadzieńni kancerta nie było, ale nie było i dazvołu». Arhanizatary kancerta, jaki raniej płanavałasia pravieści ŭ siaredzinie maja, majuć namier padać zajaŭku ŭ vyšejzhadanyja struktury.
Praca nad novym albomam hurta «Krama» praktyčna zavieršana. U jakaści hościa na kancert płanujecca zaprasić lidera rasijskaha kalektyvu «Liha bluza» Mikałaja Aruciunava, jaki braŭ udzieł u zapisie alboma «Kramy», lidera hurta «Crossroads» Siarhieja Voranava, minskich muzykantaŭ.
Nahadajem, u krasaviku 2005 hoda kancert «Kramy», pryśviečany vychadu pieršaha aficyjnaha zbornika najlepšych piesień «Budź razam z nami», byŭ admienieny. Arhanizataram kancerta admovili ŭ vydačy hastrolnaha paśviedčańnia.
Hurt «Krama» źjaŭlajecca pastajannym udzielnikam mierapryjemstvaŭ, što pravodziacca apazicyjaj. Muzykanty brali ŭdzieł u šerahu kancertaŭ, u tym liku ŭ «Džynsavym feście «Za svabodu!», jaki prajšoŭ u Minsku 16 vieraśnia 2006 hoda.
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary