Dyrekcyja «Listapada» kaža, što stolki nie płaciła, a ahient akciora miarkuje, što častku hrošaj mahli zabrać pasiaredniki.
«Słohan fiestyvalu — „My lubim kino“ i kaniečnie ž, darahich haściej „Listapada“. Tak, pavodle nieaficyjnych dadzienych vychad Marata Bašarava abyšoŭsia ŭ 17 tysiač jeŭra», — telekanał ANT ahučvaje hanarar rasijskaha akciora Marata Bašarava za karotki vychad na kinafiestyvali «Listapad». Adrazu ž pačynajucca razmovy, maŭlaŭ, a našy akciory nie jeli chałvy.
«Jakoje jość ekanamičnaje abhruntavańnie dla padobnych hanararaŭ Kucenku, Charaćjanu i Bašaravu ŭ krainie, dzie hadavy biudžet na kiniematohraf roŭny biudžetu śvinafiermy abo biudžetu karotkamietražnaha animacyjnaha halivudskaha kino?» — zadajecca pytańniem biełaruski dramaturh Dyjana Bałyka
«Jašče rajdary rasijskich zorak strakočuć vustrycami ŭ biełym vinie i admysłovymi patrabavańniami da haściničnych luksaŭ. A ŭ hety čas našy akciory, jakija hrajuć na scenach dziaržteatra, atrymlivajuć zarpłatu ŭ pamiery ad 2,5 miljona da 3,5 miljona biełaruskich rubloŭ u zaležnaści ad zaniataści ŭ repiertuary. Što ž heta, kali nie hienacyd, nie dyviersija suprać ułasnaha naroda?» — piša Dyjana Bałyka.
Ahient Marata Bašarava Jelizavieta Krucko kaža, što suma hanararu albo zanadta zavyšanaja žurnalistam, albo, kali fiestyval «Listapad» sapraŭdy stolki zapłaciŭ za Bašarava, častku hetych hrošaj sabie zabrali pasiaredniki.
«Što datyčycca hetaj ličby, to ja troški ździŭlenaja. Heta mocna pierabolšana. Kolki — skazać nie mahu, bo heta kamiercyjnaja tajamnica.
Kali ž sapraŭdy Marat kaštavaŭ tak doraha, jon, na žal, hetaha nie atrymaŭ. 17 tysiač, ja dumaju, u Maskvie na płaciać. Škada, što tak mnoha daviałosia pierapłacić pasiarednikam, kali heta sapraŭdy tak».
U dyrekcyi fiestyvalu taksama ździŭlajucca sumie hanararu. Tam śćviardžajuć, što stolki nie płacili, ANT pierahnuŭ pałku, a zamiežny pasiarednik atrymaŭ tolki 1%.
«U nas nichto nie braŭ infarmacyju, a jana jość tolki ŭ nas. Sumna, što ahučanaja nie viernaja infarmacyja», — kamientujuć situacyju ŭ dyrekcyi fiestyvalu.
«Płaciać nie jamu ŭ kišeniu, a arhanizacyi. Takoj sumy nie moža być, tamu što nasuprać kožnaha proźvišča staić suma. Pasiarednik biare kamisijnyja 1% ad pasłuh, tamu što znachodzicca nie tut».
Mahčyma, vykazvajuć mierkavańnie ŭ dyrekcyi, heta suma moža być za dva mierapryjemstvy. Marat Bašaraŭ vioŭ bal u Niaśvižskim zamku.
Dyrektar ahienctva «Bieryn Art Mieniedžmient», jakoje zaprašała Bašarava viadučym na bal ŭ Niaśviž, Maksim Bieryn kaža, što nichto nie moh viedać sumu. Ale hanarar za bal taksama nižejšy za 17 tysiač jeŭra.
«Dakumienty tolki ŭ nas i Bašarava. Jak pra heta moža viedać ANT? Dakumienty zakrytyja i ich mohuć bačyć tolki našy jurysty i buchhałtary».
A značyć i mierkavać pra toje, što 17 tysiač — heta hanarar za dva mierapryjemstvy ni ANT, ni dyrekcyja «Listapada» nie mahła.
Na dumku Maksima Bieryna, navat 17 tysiač dla Bašarava nie vielmi šmat.
«Dla Bašarava heta narmalny hanarar. Ja pryvoziŭ na maskoŭskija i inšyja kinafiestyvali viadomych zorak, jakija biaruć za vychad na scenu 300–400 tysiač dołaraŭ. Za toje, što jany vychodziać na scenu, kažuć karacieńkuju pramovu i jeduć dalej».
Ahient Marata Bašarava pahadžajecca, što ŭ Biełarusi akciory zarablajuć mienš, čym u Rasii. Ale ž heta abumoŭlena ekanamičnaj situacyjaj.Plus jość zorki, u jakich hanarar vyšej za inšych. A sam Bašaraŭ nie zaŭsiody mieŭ vialikija hanarary.
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Kamientary