Pamior Mścisłaŭ Rastrapovič — samy viadomy z sučasnych rasiejskich muzykantaŭ.
Pamior Mścisłaŭ Rastrapovič — samy viadomy z sučasnych rasiejskich muzykantaŭ
6 sakavika muzykant byŭ vypisany z maskoŭskaj kliniki paśla aperacyi na piečani, ale 12 krasavika jon znoŭ loh u bolnicu.
Viadomy altyst i dyryžor Jury Bašmiet nazvaŭ Rastrapoviča «imperatar struny i smyčka».
Adzin z najviadomiejšych vijalančelistaŭ śvietu, M. Rastrapovič byŭ taksama vialikim dyryžoram i viadomym pravaabaroncam.
Mścisłaŭ Leapoldavič Rastrapovič naradziŭsia ŭ 1927 h. u Baku ŭ siamji muzykantaŭ. U 1970‑yja hady trapiŭ u niałasku i byŭ vymušany pakinuć SSSR, źjechaŭšy za miažu sa svajoj žonkaj, opernaj śpiavačkaj Halinaj Višnieŭskaj i dvuma dočkami. U 1978 h. Rastrapoviča i Višnieŭskuju pazbavili savieckaha hramadzianstva «za systematyčnyja akty, što padryvajuć prestyž savieckaj dziaržavy».
Reabilitavali jaho tolki ŭ 1990 h. ukazam Michaiła Harbačova.
Rastrapoviču ŭdałosia pryniać aktyŭny ŭdzieł u dvuch dramatyčnych padieziach, što pryjavli da parazy savieckaha režymu. U 1989 h. jon byŭ u Berlinie, kali raźbirali mur, što dzialiŭ horad na dźvie častki. Na ruinach ściany jon hraŭ Bacha. U 1991 h. Rastrapovič apynuŭsia ŭ Maskvie padčas žnivieńskaha putču, pajšoŭ da Biełaha domu i ŭziaŭ u ruki aŭtamat.
***
Siońnia taksama pamior viadomy aktor Kiryła Łaŭroŭ. «Takoha ŭzroŭniu ŭ mastactvie dasiahajuć najradziejšyja adzinki, što aśviatlajuć kulturu śviatłom svajho talentu. Ich sychod nieadnallalny», — zajaviŭ eks‑ministar kultury Michaił Švydkoj.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary