Nadvorje na Pieršamaj było zusim nie viasnovym: išoŭ śnieh i dźmuŭ chałodny viecier. Niahledziačy na vybryki pryrody na pieršamajskuju akcyju apazycyi sabrałasia blizu tysiačy čałaviek.
Ludzi pačali źbiracca la Akademii navuk a 11:00, adtul milicyjanty vycisnuli ich da Domu druku. Pastajaŭšy tam niekalki chvilinaŭ, kalona ŭ supravadžeńni specnazu rušyła pa vulicy Surhanava ŭ bok Banhałoru. Publika była vielmi strakataj — ad maładzionaŭ‑anarchistaŭ da sivych veteranaŭ vajny.
Ad pačatku šeścia praktyčna nie było nijakaj symboliki, aproč niekalkich ściahoŭ AHP, ale na padychodach da Banhałoru ich stanaviłasia ŭsio bolej, kolkaść ludziej taksama rasła. Pačali źjaŭlacca bieł‑čyrvona‑biełyja i čyrvonyja (PKB) ź siarpom i mołatam štandary. Razam ź ludźmi išoŭ nievialički arkiestar, jaki vykonvaŭ staryja savieckija maršy, uzdymajučy ludziam nastroj. Kalona čas ad času sprabavała hukać «Žyvie Biełaruś!», ale dosyć mlava.
Užo na Banhałory asnoŭnuju kalonu čakali 150‑200 čałaviek. Jašče paźniej padyšła kalona sacyjał‑demakrataŭ ź bieł‑čyrvona‑biełymi partyjnymi ściahami. Ahułam było kala tysiač čałaviek. Praktyčna ŭsie trymali ŭ rukach niejkija ściahi ci transparanty. Čyrvonyja štandary ŭsio ž pieraŭzychodzili pa kolkaści bieł‑čyrvona‑biełyja. Raściažki ŭ bolšaści byli na rasiejskaj movie na sacyjalnyja prablemy.
Šmat było vystupaŭ palitykaŭ, ale nivodzin ź ich nie vyłučaŭsia z ahulnaha šerahu. Chiba tolki Siarhiej Skrabiec, jaki vystupiŭ pa‑biełarusku. Alaksandar Buchvostaŭ začytaŭ rezalucyju akcyi, jakaja była adzinahałosna padtrymanaja.
Byli vystupy muzykaŭ PLAN, «Čyrvonym pa biełym», «Tavaryš Maŭzer», Źmicier Bartosik. Čytaŭ vieršy Andrej Chadanovič.
Dzieści a druhoj akalełyja manifestanty razyšlisia.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary