«My razmaŭlali ab padtrymcy zboku EZ biełaruskaj hramadzianskaj supolnaści»
Lider demakratyčnych sił Biełarusi Alaksandr Milinkievič padčas svajho vizitu ŭ Varšavu, na ŭračystaści z nahody śviatkańnia pieršaj Kanstytucyi ŭ Jeŭropie pravioŭ dvuchbakovyja pieramovy sa staršyniom Jeŭraparłamientu Hansam‑Hiertam Pioterynham (Hans‑Gert Poettering).
My razmaŭlali ab padtrymcy zboku ES biełaruskaj hramadzianskaj supolnaści, — adznačyŭ Alaksandr Milinkievič paśla sustrečy sa staršynioj Jeŭraparłamientu. — My daŭno znajomyja z Hansam‑Hiertam Pioterynham, i majem supolnyja pazicyi i pohlady na stanovišča ŭnutry Biełarusi. Jon dobra viedaje situacyju ŭ našaj krainie i mnie nie prychodziłasia pierakonvać jaho ŭ niečym, ja prosta kazaŭ pra mahčymyja isnujučyja niebiaśpieki zboku biełaruskaha režymu.
Sa svajho boku staršynia Jeŭraparłamientu padkreśliŭ, što ES i nadalej budzie padtrymlivaćja pracesy demakratyzacyi ŭ Biełarusi:
‑ Ja zapeŭniŭ spadara Milinkieviča, što jeŭrapiejskija parłamientaryi i palityki zaŭsiody adkrytyja da kantaktaŭ i dapamohi demakratyčnym siłam Biełarusi, a taksama ŭsim biełarusam, jaki zmahajucca za Svabodu.
Hans‑Hiert Pioterynh vyraziŭ nadzieju, što ŭžo chutka, pryjdzie dzień, kali ŭ Biełarusi budzie demakratyja.
‑ Taki dzień nastupić, kali ŭ takich uračystaściach, jak sioniašnija budzie ŭdzielničać delehacyja aficyjnych uładaŭ ź Minsku, — śćvierdziŭ staršynia Jeŭraparłamientu.
Kamientary