U Viciebsku na płoščy Svabody 24 traŭnia prajšła moładzievaja art?akcyja ŭ abaronu histaryčnaha centru horadu.
U Viciebsku na płoščy Svabody 24 traŭnia prajšła moładzievaja art?akcyja ŭ abaronu histaryčnaha centru horadu. U joj brali ŭdzieł navučency mastackaj škoły №1 i Viciebskaha dziaržaŭnaha ŭniversytetu, a taksama studenty ź inšych navučalnych ustanoŭ. Maładyja ludzi na znak pratestu suprać razbureńnia histaryčnaha centru pačapili čornyja stužki na metalovuju aharodžu vakoł vykapanych katlavanaŭ na miescy padmurkaŭ Mikałajeŭskaha sabru. Minakam razdavalisia ŭlotki ź infarmacyjaj pra pomniki architektury, jakija koliś mieścilisia na tetytoryi siońniašniaj płoščy Svabody.
Paśla ŭdzielniki akcyi pačali malavać na arukšach papiery Śviata-Mikałajeŭski sabor takim, jakim jon byŭ da Druhoj suśvietnaj vajny.
— Hety adkryty płener na temu «Ŭznaŭleńnie Mikałajeŭskaha saboru j Sabornaj płoščy» my vyrašyli pravieści ŭ suviazi z zachadami pa źniščeńni padmurku chramu. Sens płeneru ŭ tym, kab pryciahnuć uvahu hramadzkaści j ŚMI da historyka?kulturnaj spadčyny našaha horadu», — raspaviała ŭdzielnica akcyi, studentka Taciana Fomičava.
Pavodle jejnych słoŭ, mahčyma, padčas nastupnaha pleneru, niedzie praz tydzień, da moładzi dałučacca viadomyja ŭ Viciebsku mastaki. Nia vyklučana, što pa vynikach pleneraŭ moža adbycca vystava prac mastakoŭ.
Nahadajem, što na płoščy Svabody, terytoryja jakoj uvachodzić u achoŭnuju zonu histaryčnaj častki horadu, ciaham dvuch apošnich tydniaŭ, ad 10 traŭnia, viaducca pracy pa prakładcy kanalizacyjnaha dukiera. U vyniku na płoščy źjavilisia dva hłybokija katlavany. U adnym ź ich dobra bačnyja reštki padmurku kultavych budynkaŭ, jakija tut mieścilisia raniej.
Ułaśnikam terytoryi, dzie viaducca ziemlanyja pracy, jość Viciebski harvykankam. Zamoŭca prac — UP «Viciebskvadakanał». Technika, pry dapamozie jakoj viaducca buravyja pracy, naležyć mienskamu pradpryjemstvu «Klasykbudkamplekt». Budoŭlu nieadnakroć naviedvaŭ staršynia Viciebskaha harvykankamu Piatro Drazdoŭ.
Pavodle
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary