Paštovaja skrynka
Alesiu Š. ź Miensku. Prabačcie, była pamyłka naboru. Ale j Vy pišycie razborliva, kab takoje nie paŭtarałasia.
Maksu ź Pinsku. 1) Źviarniciesia mo ŭ Gega Ruch. 2) No comments. 3) Čarhovy numar almanachu «Kryŭja» padrychtavany, ale lažyć na palicy, bo niama hrošaj na druk. Teł. redaktara, sp.Siarhieja Sańka (017) 256 40 79.
Łarysie Ž. ź Miensku. Vy spadziajeciesia, što Rasieja pryniasie nam ekanamičnyja reformy i rynkavuju ekanomiku. My miarkujem, što rasiejskaja stratehija ŭ Biełarusi palahaje ciapier u maksymalnym blakavańni rynkavych pieraŭtvareńniaŭ, kab zakanservavać zaležnuju ad rasiejskaha rynku strukturu biełaruskaj ekanomiki, pavialičyć jaje adstałaść i nia dać stvarycca pieradumovam dla demakratyzacyi i staleńnia hramadzianskaj supolnaści. Uviadzieńnie pryvatnaj ułasnaści i kankurencyjnaj haspadarki aŭtamatyčna viadzie da ŭzmacnieńnia demakratyčnych instytutaŭ i bolšaj intehracyi ŭ suśvietnuju ekanomiku — što aznačała b sasłableńnie rasiejskaha panavańnia ŭ Biełarusi.
M.Š. z Salihorsku. Toje, što Vy nam dasłali, — nie pryvatnaja abviestka, a reklama. I jana musić apłočvacca nie ŭ ilhotnych taryfach dla pryvatnych reklamnych abviestak, a ŭ zvyčajnych rascenkach. Dyk my drukujem tolki tuju častku abviestki, na jakuju staje pierakazanych Vami hrošaj.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary